Syrski: Ukrainskija vojski ź siaredziny listapada zmahli viarnuć kantrol nad častkaj Pakroŭska i ciapier utrymlivajuć paŭnočnuju častku
Hałoŭnakamandujučy USU adkazaŭ na pytańni ŚMI i, siarod inšaha, źviarnuŭ uvahu na situacyju ŭ Pakroŭsku. Rasijskija vajskoŭcy śćviardžajuć, što kantralujuć horad, adnak, sa słoŭ Syrskaha, ź listapada situacyja tam źmianiłasia.
«Na peŭnym etapie, vosieńniu, u Pakroŭsku ŭžo nie było našych vojskaŭ praz abmiežavanyja mahčymaści. Adnak z 15 listapada ŭ vyniku našych nastupalnych dziejańniaŭ my zmahli ŭziać pad kantrol kala 13 km terytoryi ŭ miežach Pakroŭska», — cytuje hałoŭnakamandujučaha USU RBK-Ukraina.
Pavodle słoŭ Syrskaha, asnoŭnyja bai ciapier skancentravanyja ŭ Pakroŭsku i Mirnahradzie. Pavodle jahonych źviestak, rasijanie pavialičvajuć tam svaju hrupoŭku da 156 tysiač čałaviek, u toj čas jak Ukraina naroščvaje hrupoŭku ŭ miežach horada.
Pry hetym Syrski padkreśliŭ, što ŭkrainskija vojski adviedzienyja z pazicyj za 5—7 km ad Pakroŭska — praź niemahčymaść ratacyi i pahrozu žyćciu vajskoŭcaŭ. Što tyčycca Mirnahrada, to, pavodle słoŭ hałoŭnakamandujučaha USU, horad nie znachodzicca ŭ akružeńni, choć rasijanie da hetaha imknucca. Ukrainskaja łahistyka, ź jahonych słoŭ, składanaja, ale pracuje.
Kamientujučy situacyju na froncie, Syrski skazaŭ, što linija aktyŭnaha frontu ciapier składaje 1218 kiłamietraŭ, u toj čas jak litaralna miesiac tamu praciahłaść linii aktyŭnych bajavych dziejańniaŭ składała 1253 kiłamietry.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary