Беларусь і Расія думаюць стварыць сумесную камісію па гісторыі, каб «не маніць моладзі»
А намеснік кіраўніка Адміністрацыі Лукашэнкі Ігар Луцкі кажа, што «раней да гісторыі не было такога ўважлівага стаўлення, як цяпер».
Беларусь і Расія прапрацоўваюць пытанне аб стварэнні сумеснай камісіі па гісторыі, паведаміў журналістам намеснік старшыні Расійскага ваенна-гістарычнага таварыства Мікалай Аўсіенка на форуме «Гісторыя для будучыні. Расія і Беларусь», піша «Спутнік».
«…Для таго, каб мы маглі цалкам доказна з фактамі ў руках і з дакументамі скласці агульныя падыходы да нашай агульнай гісторыі», — адзначыў прадстаўнік РВІА.
Аўсіенка падкрэсліў, што пра гэта трэба распавядаць сумленна: «Моладзі нельга хлусіць. Вось гэта самае галоўнае».
Ён нагадаў, што нядаўна расійскія і беларускія навукоўцы стварылі сумесную экспертную раду.
У сваю чаргу намеснік кіраўніка Адміністрацыі Ігар Луцкі заявіў, што беларускі бок падтрымлівае ідэю агульнай камісіі. З ягоных слоў, ужо цяпер навукоўцы дзвюх краін і прэзідэнцкія адміністрацыі шчыльна працуюць у гэтым кірунку.
Ён адзначыў, што «раней да гісторыі не было такога ўважлівага стаўлення, але цяпер трэба больш уважліва ставіцца да таго, як інтэрпрэтуюць гістарычныя падзеі тыя ці іншыя СМІ і некаторыя выдавецкія праекты».
Цяпер чытаюць
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі4
Каментары