«Я задаволеная гэтым», — сказала ўкраінская тэнісістка.
Перад матчам першага круга тэніснага турніру ў Вашынгтоне паміж беларускай Вікторыяй Азаранка і ўкраінкай Элінай Світолінай будзе абвешчана, што спартсменкі не будуць ціснуць рукі, піша РІА «Новості».
Раней Світоліна пасля перамогі над Азаранка на Уімблдане заклікала тэнісныя асацыяцыі выступіць з заявай аб тым, што ўкраінскія гульцы не будуць ціснуць рукі расіянам і беларусам. У Жаночай тэніснай асацыяцыі (WTA) заявілі, што з павагай ставяцца да рашэння ўкраінскіх спартсменак.
Паводле звестак журналіста Бэна Ратэнберга, на прэс-канферэнцыі Світоліна заявіла, што размаўляла з генеральным дырэктарам WTA Стывам Сайманам, які запэўніў яе, што перад матчам з Азаранка будзе абвешчана, што паціскання рук не будзе. «Я задаволеная гэтым», — сказала ўкраінская тэнісістка.
Таксама Эліна Світоліна адмаўлялася паціснуць руку беларусцы Аляксандры Сасновіч на турніры ў Мадрыдзе ў канцы красавіка.
Цяпер чытаюць
18‑гадовага хлопца абвінавацілі ў адмаўленні генацыду беларускага народа20
Каментары
А калі сур’ёзна, то гэта брыдкія паводзіны, якія вітаюцца міжнароднай супольнасццю. Шчыра жадаю Азаранке перамогі, пасля якой ёй будзе цалкам абыякава да гэтых дурных прынцыпаў