Спецыялісты санэпідслужбы Мінска рэгулярна праводзяць маніторынг тэрыторый. Правяраюць месцы масавага адпачынку і вольнага часу: паркі, скверы, аздараўленчыя ўстановы і прыгарадныя зоны. Сёлета правялі больш за 300 энтамалагічных даследаванняў.
Часцей за ўсё кляшчы сустракаюцца ў лясных масівах сталіцы. Зоны рызыкі — лесапаркі «Сцяпянка», «Уручча» і «Зялёны Луг», лесапалосы на вул. Францішка Скарыны і вул. Кірылы Тураўскага, экасцежка на вул. Старынаўскай — Нікіфарава, станцыя Сасновы Бор (Дзіцячая чыгунка), парк Чалюскінцаў, парк экстрэмальных відаў спорту ў межах вул. Сталетава, пляж № 2 Цнянскага вадасховішча і лясны масіў Цнянскага вадасховішча, у тым ліку прылеглы да пляжаў № 2, 5, 6, пішуць «Мінск-Навіны».
Але сёлета кляшчоў менш, чым летась.
За першую палову 2023-га года колькасць тых, хто звярнуўся ў медустановы са скаргамі на ўкусы кляшчоў паменшала на 24,4% у параўнанні з леташнім паказчыкам. Напад кляшчоў адбываўся на лецішчах і ў сельскай мясцовасці (50,6%), а таксама ў лясной зоне (26%), радзей — у Мінску і замацаваных прыгарадных зонах адпачынку (18,8%).
Калі верыць словам людзей і на аснове гэтага складаць спіс, то часцей за ўсё кляшчы кусалі ў:
— лясным масіве Цнянскага вадасховішча;
— лесапарках на вул. Ангарская — вул. Герасіменкі, «Сцяпянка», «Мядзвежына», «Зялёны Луг», «Уручча»;
— парках Горкага, Чалюскінцаў, Паўлава і Дружбы народаў, Лошыцкім парку, «Яблыневы сад».
Чытайце яшчэ:
Якія сродкі ад кляшчоў самыя надзейныя? Параўноўвае навуковец
Кляшчы: як ад іх уратавацца і што рабіць, калі не здолелі
Сродкі ад кляшчоў і камароў, што прадаюцца ў краінах ЕС. Якія найлепшыя?
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра1616
Каментары
сённи из меня достали клеща
причем просидел он во мне 5 дней
шо неудивительно
бум надеяццо