«Паскардзіліся старшыні, сказала тэлефанаваць у міліцыю. Выклікалі міліцыю, сказалі ісці да старшыні». Жыхарам пасёлка пад Гомелем не даюць жыцця звычайныя коні
У рэдакцыю выдання Progomel.by звярнуўся чытач з рабочага пасёлка Бальшавік, што недалёка ад Гомеля. Ён паскардзіўся на незвычайную для гарадскіх жыхароў праблему. Выяўляецца, іх двор апанаваў цэлы табун коней, якія і наносяць шкоду маёмасці, і ствараюць небяспеку.
«У пасёлку Бальшавік каля жылых дамоў 47 і 45а па вул. Савецкай на вольным выгуле статак коней як днём, так і ноччу, — наракае чытач. — Коні цыганскія. Шпацыруюць конікі дзе хочуць, каля пад'езда паскудзяць. На дзіцячай пляцоўцы таксама ўсё ў кучах.
Ходзяць каля дзяцей, дзеці баяцца выходзіць на вуліцу. Вытапталі ўсе клумбы, людзям агароды сапсавалі, паабгрызалі саджанцы. У двары пабілі машыну, дрэвы ломяць.
Паскардзіліся старшыні, сказала тэлефанаваць у міліцыю. Выклікалі міліцыю, сказалі ісці да старшыні — і так па коле шмат гадоў.
Коні ходзяць па ўсім пасёлку, гэта проста кашмар, і нікому няма справы. Хацелася б масава распаўсюдзіць інфармацыю, можа, пашанцуе, і іх прыбяруць. У іх жа ёсць гаспадары, хай неяк глядзяць за імі».
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары