«Paskardzilisia staršyni, skazała telefanavać u milicyju. Vyklikali milicyju, skazali iści da staršyni». Žycharam pasiołka pad Homielem nie dajuć žyćcia zvyčajnyja koni
U redakcyju vydańnia Progomel.by źviarnuŭsia čytač z rabočaha pasiołka Balšavik, što niedaloka ad Homiela. Jon paskardziŭsia na niezvyčajnuju dla haradskich žycharoŭ prablemu. Vyjaŭlajecca, ich dvor apanavaŭ ceły tabun koniej, jakija i nanosiać škodu majomaści, i stvarajuć niebiaśpieku.
«U pasiołku Balšavik kala žyłych damoŭ 47 i 45a pa vuł. Savieckaj na volnym vyhule statak koniej jak dniom, tak i nočču, — narakaje čytač. — Koni cyhanskija. Špacyrujuć koniki dzie chočuć, kala padjezda paskudziać. Na dziciačaj placoŭcy taksama ŭsio ŭ kučach.
Chodziać kala dziaciej, dzieci bajacca vychodzić na vulicu. Vytaptali ŭsie kłumby, ludziam aharody sapsavali, paabhryzali sadžancy. U dvary pabili mašynu, drevy łomiać.
Paskardzilisia staršyni, skazała telefanavać u milicyju. Vyklikali milicyju, skazali iści da staršyni — i tak pa kole šmat hadoŭ.
Koni chodziać pa ŭsim pasiołku, heta prosta kašmar, i nikomu niama spravy. Chaciełasia b masava raspaŭsiudzić infarmacyju, moža, pašancuje, i ich prybiaruć. U ich ža jość haspadary, chaj niejak hladziać za imi».
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli1
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1919
Kamientary