Pry čym karovy da kulikoŭ? Vyjaŭlajecca, suviaź niepasrednaja
Pojma Prypiaci — važnaje miesca dla hniezdavańnia vodna-bałotnych ptušak, ale jana chutka zarastaje chmyźniakom. Heta zabiraje «žyłpłošču» ŭ ptušak: kulikam i kačkam niama dzie rabić hniozdy. U čym pryčyna takoj źjavy, piša telehram-kanał «Dzikaja pryroda pobač».
Kali tut narychtoŭvali siena, paśvili karoŭ, chmyźniaki nie paśpiavali vyraści. Tamu papłavy i adkrytyja asakovyja bałoty zachoŭvalisia.
A ciapier i ludzi trymajuć mienš karoŭ, i sielskahaspadarčyja pradpryjemstvy pastupova pieravodziać bydła całkam na stojłavaje ŭtrymańnie.
Jak vynik adkrytyja ŭčastki bałot i papłavoŭ chutka zarastajuć, pazbaŭlajučy «doma» redkija vidy raślin i žyvioł, jakija mohuć žyć tolki ŭ takich ekasistemach.
U ptušak na mihracyi zastajecca mienš miescaŭ, kab spynicca, adpačyć i padmacavacca. Heta moža pryvieści jak da źmieny mihracyjnych šlachoŭ, tak i da źniknieńnia ptušak, kali novyja maršruty buduć patrabavać bolš enierhii, nieści bolš niebiaśpieki.
Kab papłavy zastavałasia pryvabnymi i prydatnymi dla ptušak, ich važna zachoŭvać. Jak? Štohod treba vyzvalać ich ad kustoŭ i maładych dreŭcaŭ, a jašče lepš — kasić siena ci arhanizavać tam vypas karoŭ, koniej, inšych kapytnych.
I tady pojma Prypiaci budzie haścinna sustrakać pieralotnych ptušak, jakija spyniajucca ŭ nas na adpačynak abo paśla zimoŭki buduć viartacca na hniezdavańnie.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta2
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary