«ПСЖ» развітаўся з галоўным трэнерам. Яго раней абвінавацілі ў расізме
«Пары Сен-Жэрмен» праінфармаваў Крыстофа Галцье пра рашэнне скасаваць кантракт.
«Клуб хацеў бы аддаць належнае яго прафесіяналізму і мэтанакіраванасці, якія дапамаглі «чырвона-белым» выйграць гістарычны 11-ы тытул чэмпіёна Францыі», — гаворыцца ў заяве клуба ў інстаграме.
Галцье ўзначаліў «ПСЖ» у мінулым годзе. Ён здолеў прывесці клуб да чэмпіёнства, але парыжане вылецелі ў 1/8 фіналу Лігі чэмпіёнаў, саступіўшы «Баварыі». Мяркуецца, што «ПСЖ» цяпер узначаліць іспанскі спецыяліст Луіс Энрыке.
У мінулую пятніцу Галцье і яго сын былі затрыманыя на 24 гадзіны па справе, калі той быў трэнерам «Ніцы».
Прычына арышту футбольнага спецыяліста ў справе аб расавай дыскрымінацыі, пра якую стала вядома некалькі месяцаў таму пасля ўцечкі з пошты Жульена Фурнье, экс-дырэктара «Ніцы». У пісьмах Фурнье казаў пра размовы з Галцье, у якіх той скардзіўся на колькасць «чорных і мусульман» у камандзе.
Суд пройдзе 15 снежня. Трэнеру пагражае да трох гадоў турмы і штраф 45 тысяч еўра.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары