Крыстоф Галцье затрыманы па справе аб расавай дыскрымінацыі.
Галоўнага трэнера «ПСЖ» Крыстофа Галцье змясцілі пад варту ў Ніцы разам са сваім сынам. Прычына — справа аб расавай дыскрымінацыі, пра якую стала вядома некалькі месяцаў таму пасля ўцечкі з пошты Жульена Фурнье, экс-дырэктара футбольнага клуба «Ніца». Галцье трэніраваў гэты клуб у 2021-2022 гадах.
У лістах Фурнье казаў пра размовы з Галцье, у якіх той скардзіўся на колькасць «чорных і мусульман» у камандзе, як паведамляе тэлеграм-канал «Осторожно. Новости».
Сёння трэнер і яго сын (таксама экс-супрацоўнік клуба) былі выкліканыя ў Ніцу і былі змешчаныя пад варту на час дачы паказанняў.
Пасля гэтага Галцье могуць альбо адпусціць, альбо адправіць у суд. 56-гадовы трэнер можа быць прыцягнуты да адказнасці за акты «дыскрымінацыі па прыкмеце расы або рэлігіі».
Згодна з артыкулам 225-1 Крымінальнага кодэкса Францыі па ёй пагражае да 3 гадоў турмы і штраф у памеры 45 000 еўра.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я19
Каментары