Беларускія селекцыянеры вывелі сарты «сапфір» і «лекар» — мякаць іх клубняў фіялетавага і ружовага колераў, як паведаміў Мінсельгасхарч.
Паведамляецца, што новыя гатункі ўстойлівыя да засухі, хвароб і шкоднікаў, а таксама валодаюць павышанай карыснасцю: калі ў звычайнай бульбе антыаксідантаў 500-800 адзінак, то ў каляровай — больш за 2000.
Да канца гэтага года «сапфір» і «лекар» папоўняць дзяржаўны рэестр, а гэта значыць, што зусім скора фіялетавая і ружовая бульба з'явіцца на сталах у беларусаў.
Увогуле на стварэнне новага сорту бульбы патрабуецца 12-13 гадоў.
«Акрамя таго, што змяняецца клімат, з'яўляюцца новыя хваробы. Новыя гатункі павінны быць устойлівыя да клімату, хвароб і шкоднікаў. У цяперашніх умовах сарты павінны быць устойлівымі да засухі, асабліва ў другой палове вегетацыі, бо ў першай палове бульба сілкуецца яшчэ ад самога клубня», — адзначыла загадчыца аддзела навукова-практычнага цэнтра па бульбаводстве і пладаводства Юлія Гунько.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»29
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2323
Каментары
Дарэчы, бульбы такога колеру дахалеры натяе радзіме - у Перу