Спорт11

У Беларусі футбольны клуб узначаліў экс-пракурор

На пасаду старшыні футбольнага клуба «Дняпро-Магілёў», які выступае ў першай лізе, прызначаны Сяргей Капытаў.

Сяргей Капытаў. Фота: ФК «Дняпро»

«Склаўся для гэтага шэраг абставінаў. Я, шчыра скажу, сюды не збіраўся, — расказаў Сяргей Капытаў прэс-службе каманды. —Мяне сюды запрашалі і 10 гадоў таму, і 5 гадоў таму. Але быў не гатовы. Мне было няпроста з'ехаць з Мінска. Гэта першае. Там усё ж такі ў мяне жонка і дзеці, праца. Я працаваў у такой структуры, з якой не так ужо і проста пайсці.

А чаму «Дняпро»? Я хоць і гуляў у баскетбол, але на ўсе футбольныя матчы хадзіў. На стадыёне «Спартак» многіх па магілёўскіх мерках вялікіх футбалістаў асабіста бачыў: Кабранкоў, Насташэўскі, «залаты» склад «Дняпра». У мяне да гэтага часу з многімі хлопцамі добрыя стасункі, у свой час аказваў ім пэўную дапамогу».

«Хоць і пражыў агулам 18 гадоў у Мінску, але мінчуком не стаў. Я ўсё адно магілёвец, за гэты горад заўсёды перажываў і за «Дняпро» ў тым ліку. Гэта толькі апошні год не хадзіў у Магілёве на футбол. Да гэтага быў пастаянным госцем на матчах «Дняпра». Гісторыя ў клуба вельмі багатая», — патлумачыў ён.

У яго планах вярнуць клуб у вышэйшую лігу (цяпер «Дняпро» выступае ў першай) і замацавацца ў ёй.

Раней Сяргей Капытаў працаваў у пракуратуры Магілёўскай, а затым Мінскай вобласці, дзе ўзначальваў аддзел па наглядзе за выкананнем заканадаўства абласным УСК.

«Дняпро» (Магілёў) быў чэмпіёнам краіны ў 1998 годзе, а ў 2019 годзе вылецеў з вышэйшай лігі і праз фінансавыя праблемы быў распушчаны, пасля чаго адноўлены пад назвай «Дняпро-Магілёў».

Каментары1

  • *
    08.06.2023
    Гэта канешне навіна дня. Асабліва яго развагі. Супер. Тое што трэба, саўдэпія нават не на 100%, а на бясконцасьць

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА29

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі12

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг2

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА29

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць