Спорт55

У салігорскага «Шахцёра» забралі чэмпіёнства 2022 года, а таксама 30 ачкоў у гэтым сезоне

Дзясяткі гульцоў дыскваліфікаваныя. 

Асацыяцыя Беларуская федэрацыя футбола прыняла суровае рашэнне па дамоўных матчах у беларускім футболе.

Як паведамляе АБФФ, камітэтам кантрольна-дысцыплінарным і па этычных пытаннях АБФФ былі разгледжаныя звесткі, якія паступілі са Следчага камітэта, аб тым, што падчас чэмпіянату краіны кіраўніцтвам «Шахцёра» былі арганізаваныя дамоўныя матчы, а таксама ажыццяўлялася неправамернае фінансавае стымуляванне каманд вышэйшай лігі, пасля чаго была распачатая дысцыплінарная вытворчасць, у рамках якой было апытана больш за 20 чалавек.

Вось якое пакаранне вынесенае «Шахцёру»:

  • штраф у памеры 10 000 базавых велічынь (370 000 рублёў),
  • пазбаўленне 30 балаў у чэмпіянаце-2023,
  • пазбаўленне 20 балаў у чэмпіянаце ў наступным годзе сярод каманд вышэйшай (або першай) лігі,
  • пазбаўленне атрыманых залатых узнагарод у чэмпіянаце-2022,
  • ануляваны вынік матча «Шахцёр» — «Белшына» (12.11.2022), прысуджанае «тэхнічнае паражэнне» «Шахцёру» і «Белшыне».

Штрафныя санкцыі ў дачыненні да ФК «РЦАР БДУ» («Энергетык»):

  • штраф у памеры 2000 базавых велічынь (74 000 рублёў),
  • пазбаўленне 20 балаў у чэмпіянаце 2023 года, пазбаўленне 10 балаў у чэмпіянаце 2024 года сярод каманд вышэйшай (першай) лігі,
  • пазбаўленне атрыманых срэбраных узнагарод у чэмпіянаце 2022 года.

ФК «Белшына»:

  • штраф у памеры 2000 базавых велічынь (74 000 рублёў), пазбаўленне 10 балаў у чэмпіянаце 2023 года,
  • пазбаўленне 5 балаў у чэмпіянаце 2024 года сярод каманд вышэйшай (першай) лігі;
  • ануляваны вынік матча «Шахцёр» — «Белшына» (12.11.2022), прысуджанае «тэхнічнае паражэнне» «Шахцёру» і «Белшыне».

Спартовы дырэктар «Шахцёра» Уладзімір Нідэргаус і былы гулец «Белшыны» Дзмітрый Гомза абвешчаныя персонамі нон грата (непажаданымі асобамі) у беларускім футболе, яны атрымалі штрафы ў памеры 1000 базавых велічынь (37 000 рублёў) кожнаму.

Таксама дзясяткі гульцоў дыскваліфікаваныя.

Ажно на пяць гадоў дыскваліфікавалі трэнера Анатоля Юрэвіча — вядомага беларускага спецыяліста, нядаўна прызначанага дзяржаўным трэнерам па футболе, то-бок галоўным куратарам беларускага футбола. Таксама коўчу прызначылі штраф у памеры 1000 базавых велічынь (37 тысяч рублёў). Дырэктар «Шахцёра» Аляксандр Марчанка дыскваліфікаваны на 4 гады, ён мусіць заплаціць штраф у 500 базавых (18500 рублёў).

Што да гульцоў, дыскваліфікацыю на 3 гады і штраф у 400 базавых (14800 рублёў) атрымаў адміністратар «РЦАР-БДУ» Арам Абдуль Кадэр Аль-Маджыд. 500 і 300 базавых велічынь заплацяць адпаведна паўабаронцы Міхаіл Гардзяйчук («Шахцёр») і Мікіта Корзун («Дынама»), гульцы дыскваліфікаваныя на 12 месяцаў. Палова складу «Белшыны», у тым ліку і галоўны трэнер, дыскваліфікаваныя на паўгода.

Не ясна, што з чэмпіёнствам краіны за 2022 год. У БАТЭ і мінскага «Дынама» была аднолькавая колькасць балаў, у такім выпадку павінен быць «залаты матч». З іншага боку, як паведамляе рэсурс football.by, чэмпіянат-2022 можа так і застацца без залатога і срэбранага прызёраў, бо «Шахцёр» і «РЦАР-БДУ» пазбаўленыя гэтых тытулаў. 

Хто прадставіць Беларусь у еўракубках-2023? Як прадказвае football.by, у кваліфікацыі Лігі Чэмпіёнаў выступіць барысаўскі БАТЭ, у аналагічных раўндах Лігі Канферэнцый — мінскае «Дынама» і «Іслач».

Разам з тым вынікі Суперкубка Беларусі-2023 перагледжаны не будуць, «Шахцёр» захавае трафей.

Каментары5

  • Зміцер
    11.05.2023
    Жвір, прачытау́ бы да канца навіну..
  • Ппк
    11.05.2023
    Грошы грошы. Ім патрэбныя толькі . Слушна падумалі. ГРОШЫ!
  • Жвір
    11.05.2023
    Зміцер, а я і прачытаў да канца. Што вас засмуціла ? Віншаваньне ў двукоссе ня ўзяў ? Лянота было. Не люблю "Энэргетык", штучная каманда, ні школы, ні базы, ні стадыёна, ні тылу. Толькі-толькі ў асноўны турнір выбіліся, і ўжо за махлярства ўзяліся. Няма чым даражыць, свайго гонару не заваявалі, а мінулага й не было ніколі. Насралі ў душы заўзятарам, ды аславілі беларускі футбол на ўвесь сьвет. Спартовых вынікаў беларускі футбол ня меў, дык цяпер яшчэ такая ганьба ! Кім нас людзі лічыць будуць ? Так апусьціць !.. Гэта ж цяпер на гады, паспрабуй вярнуць цяпер сабе твар...

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука2

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

Усе навіны →
Усе навіны

На аўкцыёне карціну Шагала прадалі за 3 мільёны даляраў3

79‑гадовую пенсіянерку ў Столінскім раёне шукалі 4 дні і знайшлі жывой5

У Кітаі працягваюцца жорсткія чысткі ў арміі: паляцела галава другога чалавека ў войску3

«Я думаю, Пуцін хоча завяршыць вайну». Трамп сустрэўся ў Белым доме з Зяленскім23

Філосаф Мацкевіч прапануе стварыць варыянт беларускай рускай мовы, каб зблізіць яе з беларускай131

Польскі суд адмовіўся выдаваць Германіі абвінавачанага ў падрыве «Паўночнага патока»4

Аляксандр Азараў закрывае фонд Bypol4

У «Беларуснафце» расказалі, як вырашаюць праблему чэргаў на АЗС6

У мінскай Камароўкі з'явіўся канкурэнт. Якія цэны на гэтым «сакрэтным» рынку?5

больш чытаных навін
больш лайканых навін

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука2

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

Галоўнае
Усе навіны →

Заўвага:

 

 

 

 

Закрыць Паведаміць