Віктар Бабарыка можа знаходзіцца ў бальніцы СІЗА на Валадарцы — «Рабочы рух»
Сёння актывісты ініцыятывы «Рабочы рух», якія ў свой час першымі паведамілі пра шпіталізацыю палітзняволенага Віктара Бабарыкі, заявілі, што палітык можа знаходзіцца ў турэмным шпіталі ў СІЗА на Валадарскага ў Мінску.
«Паводле наяўных звестак, Віктар Бабарыка каля тыдня знаходзіўся ў Наваполацкай цэнтральнай гарадской бальніцы, пасля чаго, прыкладна 3 мая, яго забралі ў наваполацкую ПК-1, а на наступны дзень павезлі ў кірунку Мінска (паводле непацверджаных звестак, на Валадарскага) у турэмную бальніцу», — напісалі актывісты «Рабочага руху».
Пакуль што пацвярджэння гэтай інфармацыі з іншых крыніц няма, каманда Віктара Бабарыкі яе пакуль што не каментавала.
Нагадаем, два тыдні таму стала вядома, што Віктар Бабарыка быў шпіталізаваны ў бальніцу ў ноч з 24 на 25 красавіка — далейшае месцазнаходжанне палітвязня невядомае. Сёння з'явілася інфармацыя ад праваабаронцаў, што да свайго атрада ў наваполацкай калоніі ён нібыта ўжо не прыпісаны.
Цяпер чытаюць
Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам2
Каментары