У Польшчы падчас перапісу 1600 чалавек назвалі беларускую мову сваёй адзінай мовай зносін
У Польшчы агучылі папярэднія вынікі агульнанацыянальнага перапісу насельніцтва 2021 года па нацыянальна-этнічнай структуры насельніцтва і мове камунікацыі.
Згодна з перапісам, толькі 3,5 працэнта апытаных (1,34 млн чалавек) пазначылі падчас перапісу іншую, не польскую, нацыянальнасць, піша «Радыё Рацыя».
Беларускую нацыянальнасць як першую пазначылі 41900 чалавек, як другую — 12400. Агулам беларусамі запісаліся 54300 чалавек. І гэта больш, чым падчас папярэдняга перапісу насельніцтва ў 2011 годзе, калі гэтая лічба складала каля 47 тысяч.
Што тычыцца мовы, якой размаўляюць дома, то рэспандэнты маглі ўказаць больш, чым адну мову.
Беларускую мову пазначылі як мову хатніх зносін 16900 чалавек, а як адзіную мову — 1600 чалавек.
Каментары