«Байпол» лічыць падзеі ў Гродне інсцэніроўкай. І называе імя меркаванага «тэрарыста»
«Байпол» выказаўся адносна афіцыйнай версіі ліквідацыі «тэрарыста» ў Гродне, назваў гэта пастаноўкай і нават назваў імя меркаванага выканаўцы галоўнай ролі.
«Байпол» лічыць, што адзіная праўда, якую сказаў Камітэт дзяржаўнай бяспекі, расказваючы пра нібыта ліквідацыю 19 сакавіка ў Гродне па вуліцы Курчатава грамадзяніна Расіі Аляксея Ламакіна, які задумваў здзяйсненне тэрарыстычных актаў — гэта тое, што пашпарт грамадзяніна Расіі з'яўляецца падробленым.
Сам «Байпол» у ходзе правядзення праверкі нібыта атрымаў ад удзельнікаў плана «Перамога» аператыўную інфармацыю аб тым, што ніякага тэрарыста не існавала, а ўсе датычныя яго мерапрыемствы з боку КДБ — пастаноўка. Пры гэтым байполаўцы нават называюць асобу, якая меркавана грала ў гэтай пастаноўцы галоўную ролю, і нібыта прымяняючы баявую гранату, загінула ў ходзе штурму.
Паводле «Байпола», гэтым чалавекам мог быць дзейны супрацоўнік КДБ Аляксей Мікалаевіч Захараў, 18.04.1981 г. н., ураджэнец Гарадка Віцебскай вобласці. Ён нібыта праходзіць службу ў аператыўна-пошукавым аддзеле УКДБ па Віцебскай вобласці ў службе вонкавага назірання.
Гэтая інсцэніроўка, як сцвярджае «Байпол», праведзеная напярэдадні Дня Волі 25 сакавіка з мэтай застрашвання беларусаў, якія працягваюць змагацца з рэжымам, а таксама для падняцця аўтарытэту КДБ перад Лукашэнкам.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары