У праект з беларускімі каранямі Soula інвеставалі мадэлі Наталля Вадзянава і Кацярына Даманькова
AI-праграма для цяжарных і бацькоў Soula атрымала інвестыцыі ад мадэлі Наталлі Вадзянавай. Пра гэта на сваёй старонцы ў фэйсбуку паведаміла яе CEO і заснавальніца Наталля Міранчук. Сума інвестыцый не раскрываецца.
Мабільная праграма Soula створаная на аснове штучнага інтэлекту для дапамогі цяжарным жанчынам і бацькам. Яна дае жанчынам персаналізаваную інфармацыю аб цяжарнасці, родах і пасляродавым перыядзе. У праграме таксама ёсць чат-бот і бібліятэка кантэнту, піша dev.by.
Праект быў прэзентаваны на канферэнцыі ў Дубаі. Вадзянава прыляцела туды падтрымаць праект. «Цяпер у нас шмат прапаноў аб дапамозе, партнёрстве і інвестыцыях. А значыць, мы зможам працаваць з найлепшымі экспертамі і спецыялістамі ў сваіх галінах», — напісала заснавальніца Наталля Міранчук.
Адным з першых інвестараў праекту яна назвала беларускую мадэль Кацярыну Даманькову.
Soula — не першы праект з беларускімі каранямі, у які інвеставала Наталля Вадзянава.
У 2017 годзе яна разам з партнёрамі інвеставала 5 мільёнаў долараў у праграму для жаночага здароўя Flo.
У 2020 годзе Вадзянава стала інвестарам Loona — праграма для лёгкага засынання, якую прыдумала каманда распрацоўшчыкаў MSQRD.
У 2021 годзе Вадзянава разам з бізнес-партнёрам Цімонам Афінскім уклала 300 тысяч даляраў у расійска-беларускі праект Zenia Yoga — распрацоўшчыка праграмы для заняткаў ёгай.
Цяпер чытаюць
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары