U prajekt ź biełaruskimi karaniami Soula inviestavali madeli Natalla Vadzianava i Kaciaryna Damańkova
AI-prahrama dla ciažarnych i baćkoŭ Soula atrymała inviestycyi ad madeli Natalli Vadzianavaj. Pra heta na svajoj staroncy ŭ fejsbuku paviedamiła jaje CEO i zasnavalnica Natalla Mirančuk. Suma inviestycyj nie raskryvajecca.
Mabilnaja prahrama Soula stvoranaja na asnovie štučnaha intelektu dla dapamohi ciažarnym žančynam i baćkam. Jana daje žančynam piersanalizavanuju infarmacyju ab ciažarnaści, rodach i paślarodavym pieryjadzie. U prahramie taksama jość čat-bot i biblijateka kantentu, piša dev.by.
Prajekt byŭ prezientavany na kanfierencyi ŭ Dubai. Vadzianava prylacieła tudy padtrymać prajekt. «Ciapier u nas šmat prapanoŭ ab dapamozie, partniorstvie i inviestycyjach. A značyć, my zmožam pracavać z najlepšymi ekśpiertami i śpiecyjalistami ŭ svaich halinach», — napisała zasnavalnica Natalla Mirančuk.
Adnym ź pieršych inviestaraŭ prajektu jana nazvała biełaruskuju madel Kaciarynu Damańkovu.
Soula — nie pieršy prajekt ź biełaruskimi karaniami, u jaki inviestavała Natalla Vadzianava.
U 2017 hodzie jana razam z partniorami inviestavała 5 miljonaŭ dołaraŭ u prahramu dla žanočaha zdaroŭja Flo.
U 2020 hodzie Vadzianava stała inviestaram Loona — prahrama dla lohkaha zasynańnia, jakuju prydumała kamanda raspracoŭščykaŭ MSQRD.
U 2021 hodzie Vadzianava razam ź biźnies-partnioram Cimonam Afinskim ukłała 300 tysiač dalaraŭ u rasijska-biełaruski prajekt Zenia Yoga — raspracoŭščyka prahramy dla zaniatkaŭ johaj.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary