«Занадта шмат гэтага дзяржапарату і дзяржкапіталізму. Нам трэба больш свабоды», — заявіў у Краснаярску мільярдэр Алег Дзерыпаска.
Расійскі бізнэсмен Алег Дзерыпаска падчас Краснаярскага эканамічнага форуму (КЭФ) выказаўся наконт шляхоў выхаду Расіі з цяперашняга крызісу. Яго словы 3 сакавіка прыводзіць агенцтва «Інтэрфакс».
Мільярдэр заявіў, што Расія ў цяперашнім крызісе ў найбліжэйшай будучыні сутыкнецца з фінансавым дэфіцытам. Каб пазбегнуць такога сцэнарыя, на думку бізнэсмена, краіне неабходна прытрымлівацца вяршэнства права, спыніць павальныя пасадкі ў турмы, стварыць прымальныя ўмовы для замежнага бізнэсу, а таксама значна скараціць штат сілавікоў і чыноўнікаў.
Вось што канкрэтна сказаў Дзерыпаска падчас КЭФ:
- «Вельмі важна прытрымлівацца вяршэнства права і прадказальнасці. Калі мы будзем кожны год ці квартал мяняць правілы гульні, то ніхто не будзе нам верыць: ні расійскія прадпрымальнікі, ні замежныя».
- «Неабходна спыніць гэтыя павальныя, з каменнага веку «пасадкі» ўсіх запар невядома за што. Напрыклад, здзейсніў чалавек эканамічную правіннасць, кампенсаваў яе — хай ідзе далей працаваць».
- «Выбіраць не даводзіцца. Грошай не будзе ўжо ў наступным годзе. Нам патрэбны будуць замежныя інвестары. А яны будуць глядзець, як расійскія інвестары зарабляюць, якія ў іх умовы. Калі мы не створым гэтыя ўмовы, то так і будзем далей толькі марыць».
- «Неабходна ўдвая-ўтрая скараціць колькасць чыноўнікаў і сілавікоў. Мы разумеем, што яны — гэта сур'ёзны цяжар на расійскай эканоміцы, асабліва ў перыяд такіх санкцый. Занадта шмат гэтага дзяржапарату і дзяржкапіталізму. Нам трэба больш свабоды».
На думку бізнэсмена, дзяржкапіталізм — гэта шлях у нікуды і пустая трата грошай. Тым часам прадпрымальнікі — гэта адзіныя людзі, якія накшталт Майсея здольныя вывесці Расію з бездані ў будучыню.
Чытайце яшчэ:
ISW: Лукашэнка падпісаў дамовы з Кітаем, каб аслабіць інтэграцыйны ціск Расіі і дапамагчы ёй абысці санкцыі
Энтані Блінкен і Сяргей Лаўроў упершыню са студзеня 2022 года сустрэліся асабіста
Forbes: Адзін год вайны каштаваў Расіі амаль 115 млрд даляраў
-
Смеццевыя кантэйнеры на памежным пераходзе перапоўненыя прадуктовымі пакетамі ад Лукашэнкі і расійскімі лагернымі робамі ФОТАФАКТ
-
У Польшчы параўналі мігрантаў з Беларусі і Украіны: адных аднеслі да «прагрэсіўных», другіх — да «кансерватыўных»
-
Беларусы ў Польшчы атрымліваюць дзіўныя лісты з патрабаваннем пакінуць краіну цягам 10 дзён
Цяпер чытаюць
«Нейкая Ліза, якой 20 гадоў, судзіцца з Лукашэнкам» — вялікая гутарка з новай віцэ-спікеркай КР Лізаветай Пракопчык4
Каментары