«Zanadta šmat hetaha dziaržaparatu i dziaržkapitalizmu. Nam treba bolš svabody», — zajaviŭ u Krasnajarsku miljarder Aleh Dzierypaska.
Rasijski biznesmien Aleh Dzierypaska padčas Krasnajarskaha ekanamičnaha forumu (KEF) vykazaŭsia nakont šlachoŭ vychadu Rasii ź ciapierašniaha kryzisu. Jaho słovy 3 sakavika pryvodzić ahienctva «Interfaks».
Miljarder zajaviŭ, što Rasija ŭ ciapierašnim kryzisie ŭ najbližejšaj budučyni sutykniecca ź finansavym deficytam. Kab paźbiehnuć takoha scenaryja, na dumku biznesmiena, krainie nieabchodna prytrymlivacca viaršenstva prava, spynić pavalnyja pasadki ŭ turmy, stvaryć prymalnyja ŭmovy dla zamiežnaha biznesu, a taksama značna skaracić štat siłavikoŭ i čynoŭnikaŭ.
Voś što kankretna skazaŭ Dzierypaska padčas KEF:
- «Vielmi važna prytrymlivacca viaršenstva prava i pradkazalnaści. Kali my budziem kožny hod ci kvartał mianiać praviły hulni, to nichto nie budzie nam vieryć: ni rasijskija pradprymalniki, ni zamiežnyja».
- «Nieabchodna spynić hetyja pavalnyja, z kamiennaha vieku «pasadki» ŭsich zapar nieviadoma za što. Naprykład, ździejśniŭ čałaviek ekanamičnuju pravinnaść, kampiensavaŭ jaje — chaj idzie dalej pracavać».
- «Vybirać nie davodzicca. Hrošaj nie budzie ŭžo ŭ nastupnym hodzie. Nam patrebny buduć zamiežnyja inviestary. A jany buduć hladzieć, jak rasijskija inviestary zarablajuć, jakija ŭ ich umovy. Kali my nie stvorym hetyja ŭmovy, to tak i budziem dalej tolki maryć».
- «Nieabchodna ŭdvaja-ŭtraja skaracić kolkaść čynoŭnikaŭ i siłavikoŭ. My razumiejem, što jany — heta surjozny ciažar na rasijskaj ekanomicy, asabliva ŭ pieryjad takich sankcyj. Zanadta šmat hetaha dziaržaparatu i dziaržkapitalizmu. Nam treba bolš svabody».
Na dumku biznesmiena, dziaržkapitalizm — heta šlach u nikudy i pustaja trata hrošaj. Tym časam pradprymalniki — heta adzinyja ludzi, jakija nakštałt Majsieja zdolnyja vyvieści Rasiju ź biezdani ŭ budučyniu.
Čytajcie jašče:
ISW: Łukašenka padpisaŭ damovy z Kitajem, kab asłabić intehracyjny cisk Rasii i dapamahčy joj abyści sankcyi
Entani Blinkien i Siarhiej Łaŭroŭ upieršyniu sa studzienia 2022 hoda sustrelisia asabista
Forbes: Adzin hod vajny kaštavaŭ Rasii amal 115 młrd dalaraŭ
-
Stała viadoma, jakoj krainie pieradavaŭ infarmacyju były kiraŭnik niamieckaj raźviedki
-
Uzbrojenyja ludzi ŭ maskach siłkom hnali mihrantaŭ ź Biełarusi ŭ Łatviju, pierasiekli miažu i skrali kamiery
-
Viadučy trejdar papiaredziŭ pra ryzyku rostu cen na naftu da $200 za baral praź niedachop reziervaŭ i tankieraŭ
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary