Heta tracina ŭsich dachodaŭ rasijskaha biudžetu za pieradvajenny 2021 hod.
Rasija vydatkavała 114,4 młrd dalaraŭ na 12 miesiacaŭ vajny suprać Ukrainy. Pra heta 24 lutaha paviedamiŭ ukrainski ofis časopisa Forbes.
Pavodle jaho infarmacyi, u hetuju sumu nie ŭvachodziać pramyja i ŭskosnyja straty ad uviedzienych zachodnimi krainami ekanamičnych sankcyj.
Ahulny rasijski artykuł vydatkaŭ na vajnu va Ukrainie za hod vyhladaje tak:
-
53,8 młrd dalaraŭ — na zarobki rasijskim vajskoŭcam, a taksama kampiensacyi paranienym i siemjam zahinułych;
-
36,1 młrd dalaraŭ — na zabieśpiačeńnie rasijskaj armii: rakiety, artyleryja, amunicyja, paliva, ježa, miedykamienty i inš.;
-
24,5 młrd dalaraŭ — sumarny košt zachoplenaj i źniščanaj rasijskaj vajskovaj techniki.
Pa źviestkach Forbes, z usioj stračanaj vajskovaj techniki rasijanam daražej za ŭsio abyšłasia bajavaja avijacyja. Rasija straciła źniščalniki i inšyja samaloty na sumu kala 6,5 młrd dalaraŭ, a viertalotaŭ — na sumu 3 młrd dalaraŭ.
A situacyju z naziemnymi vidami techniki analityki Forbes apisvajuć tak:
«Straty rasijskaj braniatechniki i artyleryi nie takija katastrafičnyja. U cełym RF straciła 40—70 pracentaŭ svajoj suchaputnaj vajskovaj techniki. Ale asabliva kaštoŭnymi trafiejami dla Ukrainy stali artyleryjskija ŭstanoŭki, jakija nanosili najbolšyja straty ŭkrainskim vajskoŭcam u pieršyja šeść miesiacaŭ vajny».
Taksama časopis śćviardžaje, što ŭkrainskaja armija zmahła vyvieści z ładu 3350 rasijskich tankaŭ z ulikam taho, što dla vajennaha ŭvarvańnia Rasija zadziejničała tolki 3330 takich mašyn.
«Straty tankaŭ akazalisia takimi vialikimi, što rasijanam pryjšłosia adkryvać svaje składy praciahłaha zachoŭvańnia. Adnak infarmacyja ab «dziasiatkach tysiač savieckich tankaŭ na składach» akazałasia mifam. Rasija za hod zmahła raskansiervavać i vyrabić ad 1000 da 1800 tankaŭ, što ŭ 2—3 razy mienš, čym było ŭ Maskvy ŭ pačatku vajny», — adznačaje Forbes.
Čytajcie jašče:
Rasieja spyniła pastaŭki nafty ŭ Polšču
Kolki rasijskich vajskoŭcaŭ zahinuła za hod? Heta ličba ŭžo pieravysiła savieckija straty ŭ Afhanistanie
Apublikavali rejtynh akcyjaniernych tavarystvaŭ, pa-za kankurencyjaj banki
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary