Kolki rasijskich vajskoŭcaŭ zahinuła za hod? Heta ličba ŭžo pieravysiła savieckija straty ŭ Afhanistanie
«Miedyjazona» razam ź Bi-bi-si i vałanciorami padličvaje straty rasijskaj armii pa adkrytych krynicach.
Za hod vajny było zabita minimum 15 136 rasijskich vajskoŭcaŭ. Heta tyja, čyje imiony dakładna viadomyja.
Ź ich 1214 — zahinułyja mabilizavanyja.
Za apošnija 12 dzion stała viadoma pra tysiaču śmierciaŭ.
Žurnalisty pišuć, što realnaja kolkaść zabitych moža być u niekalki razoŭ bolšaj.
Kolkaść paćvierdžanych pa adkrytych krynicach rasijskich strat za hod hetaj vajny pieravysiła pryznanyja aficyjna savieckija straty ŭ Afhanistanie za dzieviać hadoŭ (15 051 čałaviek).
Da 24 lutaha paćvierdžana hibiel bolš za 1 800 aficeraŭ rasijskaj armii i inšych siłavych struktur, 199 ź ich — u zvańni ad padpałkoŭnika i vyšej.
Samyja vialikija katehoryi zahinułych — motastrałkovyja vojski (13,2%), dobraachvotniki (11,1%), PDV (10,3%).
Pavodle apošnich acenak amierykanskaj i brytanskaj raźviedak, rasijskija straty, z ulikam PVK «Vahnier», a taksama farmiravańniaŭ maryjanietkavych DNR i ŁNR, na hety momant dasiahnuli 175—200 tysiač čałaviek, ź ich 40—60 tysiač zahinuli.
Kamientary