Грамадства

Эксперымент па рэарганізацыі школьнага харчавання падоўжаць да канца навучальнага года

Прэм'ер-міністр Раман Галоўчанка паведаміў, што ад прадстаўнікоў ведамстваў і рэгіёнаў на нарадзе ў сераду паступіла просьба аб працягу пілотнага праекта па харчаванні ў школах да канца навучальнага года.

Фота ілюстрацыйнае

«Сёння мы вырашылі, што гэта варта зрабіць. Таксама мы замацуем гэта нарматыўна», — цытуе Галоўчанку прэс-служба ўрада.

Першапачаткова праект разлічваўся на паўгода: з 19 снежня 2022 года па 30 красавіка 2023 года.

«Мы хацелі ўжо з новага навучальнага года распаўсюдзіць яго вынікі па ўсёй краіне. Гэта, па меншай меры, задача максімум. Мы бачым пытанні, якія патрабуюць дапрацоўкі, і з іх улікам будзем планаваць распаўсюджванне на ўсе школы», — сказаў Галоўчанка.

Ён падкрэсліў, што галоўнае тут — не чыноўнікі. «Гэта пытанне, якое мы вырашаем разам з грамадствам і з кіраўнікамі школ. Менавіта па гэтым пытанні мы ў сваіх рашэннях будзем абапірацца ў першую чаргу на іх меркаванне. Што людзі выберуць для сябе больш правільным і камфортным, так і будзем рабіць», — рэзюмаваў ён.

У эксперыменце Міністэрства адукацыі бярэ ўдзел 21 школа: па тры ў кожнай вобласці і тры ў Мінску.

У рамках праекта першы прыём ежы школьнікі атрымліваюць пазней (арыенціровачна праз 3,5 гадзіны пасля пачатку заняткаў), і гэта абед. Матыў просты: дзеці прыходзяць у школу, паеўшы дома, а школьныя стравы часта не з'ядаюць.

Адзначаецца, што новы падыход не тычыцца сельскіх школ — там усе прыёмы ежы і час захоўваюцца.

У Мінадукацыі прапануюць улічваць колькасць прыёмаў ежы дзяцей у залежнасці ад часу знаходжання ва ўстанове адукацыі. Прапанавалі наступнае: ад 3,5 да 6 гадзін — аднаразовае харчаванне; ад 6 да 10 гадзін — двухразовае; больш за 10 гадзін — трохразовае.

«Рыбу любіце?» Дзеці расказалі Раману Галоўчанку, што яны любяць у школьным харчаванні ВІДЭА

Каментары

Цяпер чытаюць

У Гомелі закрылі забягалаўку прадпрымальніка-лукашыста і знішчылі яго плакат са Сталіным9

У Гомелі закрылі забягалаўку прадпрымальніка-лукашыста і знішчылі яго плакат са Сталіным

Усе навіны →
Усе навіны

Пасля разносу Лукашэнкі «Беларусьфільм» бярэцца ствараць «лінейку сваіх серыялаў»4

«Гэта не самы прывабны варыянт». Што думаюць беларусы пра ўвядзенне Грузіяй трохгадовага ДНЖ для айцішнікаў2

Трамп не збіраецца падпісваць заяву G7 па пытанні ізраільска-іранскага канфлікту

Чаму расіяне аддалі ўкраінцам целы забітых, а тыя — не?7

Колькасць вакансій у Беларусі ў 54 разы большая, чым зарэгістраваных беспрацоўных1

Для аграсядзіб рыхтуюць новыя абмежаванні2

Беларусаў папярэдзілі пра візавую пастку пры наведванні Сербіі і Чарнагорыі2

Мерц катэгарычна супраць пасярэдніцтва Пуціна на Блізкім Усходзе2

Маладую выкладчыцу англійскай мовы асудзілі за ўдзел у пратэстах5

больш чытаных навін
больш лайканых навін

У Гомелі закрылі забягалаўку прадпрымальніка-лукашыста і знішчылі яго плакат са Сталіным9

У Гомелі закрылі забягалаўку прадпрымальніка-лукашыста і знішчылі яго плакат са Сталіным

Галоўнае
Усе навіны →

Заўвага:

 

 

 

 

Закрыць Паведаміць