У Кітаі паспяхова кланіравалі высокапрадукцыйную пароду кароў
Кітайскія біёлагі ўпершыню кланіравалі высокапрадукцыйную голшцінскую пароду кароў, якія могуць даваць па 18 тон малака ў год кожная, 31 студзеня паведаміла газета Global Times. Гэта дапаможа краіне пазбегнуць дэфіцыту малочнай прадукцыі.
Гаворка ідзе пра паспяховае нараджэнне трох кланіраваных цялят, што адбылося ў рамках эксперыменту даследчыкаў з кітайскага Паўночна-заходняга ўніверсітэта. Навукоўцы ажыццявілі методыку «пераносу ядраў саматычных клетак». Для гэтага выкарыстоўваліся вушныя тканкі дарослых прадстаўнікоў парод.
Па словах кіраўніка праекта Цына Япіна, гэта адкрыццё ў перспектыве дазволіць забыцца на дэфіцыт малочнай прадукцыі і зрабіць сельскагаспадарчы рынак Кітая больш самастойным.
«Мы плануем выдаткаваць два—тры гады на стварэнне вялікага статка колькасцю больш чым 1000 кланіраваных высокапрадукцыйных кароў. Гэта стане трывалай асновай для вырашэння праблемы дэфіцыту малочнай прадукцыі і залежнасці Кітая ад імпарту замежных кароў», — адзначыў Цын.
Паводле інфармацыі выдання, у Кітаі на гэты момант налічваецца каля 6,6 млн голшцінскіх кароў, аднак большая частка іх, калі не ўсе, пастаўлялася з-за мяжы на працягу многіх гадоў. Калі разглядаць агульны імпарт усіх магчымых дойных кароў, то Кітай у гэтым плане на 70% залежыць ад замежных закупак.
Чытайце яшчэ:
Як у другім «Тэрмінатары»: навукоўцы стварылі робата, здольнага ператварацца ў вадкасць і наадварот
Навукоўцы змаглі спыніць працэс старэння ў мышэй і навучыліся кіраваць гэтым працэсам. А што наконт людзей?
Школьнікі з Тэнэсі стварылі новую рабатызаваную руку свайму аднакласніку
-
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
Каментары