Пандэмія каранавіруса ў Беларусі падышла да канца, аднак гэта не падстава расслабляцца ні жыхарам краіны, ні супрацоўнікам сферы аховы здароўя. Пра гэта заявіў сёння міністр аховы здароўя Дзмітрый Піневіч, піша БелТА.
«Сёння мы гаворым аб уроках пандэміі. Мы прывучаны да аператыўнай змены абстаноўкі, аператыўных адказаў на яе. Пандэмія нас навучыла трохі іншага фармату абмену інфармацыяй, працы. Яна падышла да канца, але расслабляцца нельга. Бо мы прыйшлі ў эпоху вірусаў», — адзначыў ён.
Па словах Дзмітрыя Піневіча, ва ўмовах цяперашняй эпідэміялагічнай сітуацыі прасочваецца трыдэмія. «Гэта працэс, калі захоўваецца каранавірус на вельмі нізкай актыўнасці, ёсць праблема віруса грыпу і рэспіраторных вірусаў. Усё гэта сфарміравала тую клінічную і эпідэміялагічную карціну, якую цяпер бачым: хварэюць у асноўным дзеці, пажылыя людзі, — распавёў ён. — Паказчыкі захворвання зменшыліся. Гэта звязана ў тым ліку і з тым, што ў дзяцей былі канікулы».
Як адзначыў міністр аховы здароўя, бягучая эпідсітуацыя ў краіне захаваецца да лютага.
«Рэкамендацыі такія ж, як і ў любы асенне-зімовы перыяд: у медустановах насіць маскі, праветрываць памяшканні, займацца актыўным ладам жыцця», — сказаў ён.
Па словах Піневіча, сур'ёзную ролю ў стабілізацыі эпідсітуацыі адыграла вакцынацыя, якая ў Беларусі ахоплівае ўсе катэгорыі насельніцтва.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў4
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары