На ўзбярэжжы Каспійскага мора ў Дагестане знайшлі 1,7 тыс. мёртвых цюленяў. Пра гэта паведамляе «РИА Новости» са слоў генеральнага дырэктара Каспійскага прыродаахоўнага цэнтра Заура Гапізава.
Як паведамляла раней прэс-служба СКТУ «Расрыбалоўства», першапачаткова на беразе Каспійскага мора выявілі каля 700 мёртвых цюленяў. Тады ў Мінпрыроды рэгіёна заявілі, што іх смерць выкліканая натуральнымі прыроднымі фактарамі, а вывучэнне стану ўнутраных органаў даследаваных цюленяў не пацвердзіла гіпотэзу аб іх інтаксікацыі цяжкімі металамі або пестыцыдамі.
Аднак гэтым не абмежавалася. Па словах Заура Гапізава, за наступныя некалькі дзён на ўзбярэжжы Каспія ў Дагестане было знойдзена 1,7 тыс. тушак каспійскай нерпы. Мяркуючы па выглядзе, жывёлы загінулі прыкладна два тыдні таму. Пры гэтым прыкмет гвалтоўнай смерці і рэшткаў рыбалоўных сетак таксама не знойдзена.
Гендырэктар Каспійскага прыродаахоўнага цэнтра дадаў, што колькасць загінулых цюленяў можа быць значна вышэйшая. Спецыялісты прыродаахоўных ведамстваў працягваюць даследаваць узбярэжжа.
Каспійская нерпа — эндэмік і адзіны від марскіх млекакормячых, які жыве ў Каспійскім моры і адыгрывае ўнікальную ролю ў марской экасістэме.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы29
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары