Пасля забароны павышаць цэны некаторыя райспажыўтаварыствы папрыбіралі расцэнкі з сайтаў
Пазначана, што «цана дагаворная і можа змяняцца з улікам кан'юнктуры рынку». На гэта звярнула ўвагу «Медыя-Палессе».
З 6 кастрычніка цэны ў Беларусі павышаць забаранілі — «за выключэннем індывідуальных рашэнняў міністра або старшыні аблвыканкама». За парушэнне прыгразілі затрыманнямі і крымінальнымі справамі.
Паводле звестак Камітэта дзяржкантролю, зафіксавана нямала выпадкаў, калі яблыкі, цыбулю, буракі і капусту сельгаспрадпрыемстваў перакупшчыкі прадавалі з нацэнкай пад 300%.
Раніцай 7 кастрычніка ні на адным з сайтаў райспажыўтаварыстваў — Лунінецкага, Пінскага і Столінскага — не аказалася расцэнак на закупку гародніны ў насельніцтва. Пазначана, што «цана дагаворная і можа змяняцца з улікам кан'юнктуры рынку».
Да гэтага закупачныя цэны, напрыклад у Столінскім спажыўтаварыстве, абнаўляліся двойчы — раніцай і днём. Цяпер на гэтым месцы пуста.
Раней «Медыя-Палессе» распавядала пра сітуацыю з продажам агародніны ў Столінскім раёне. У фермераў капусту закуплялі па 20 капеек, а на рынках і ў крамах прадавалі ў некалькі разоў даражэй. У асобных выпадках розніца складала 12,5 разу. У сярэдзіне ліпеня альшанскую капусту здавалі па 5 капеек за кіло на корм жывёле.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы25
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары