Заўтра ў Крамлі пройдзе цырымонія падпісання дамоваў пра «далучэнне да Расіі» акупаваных тэрыторый Украіны.
Гэта пацвердзіў прэс-сакратар Пуціна Дзмітрый Пяскоў.
Дамовы будуць падпісаныя прадстаўнікамі акупацыйных уладаў Данецкай, Луганскай, Запарожскай і Херсонскай абласцей.
На ўрачыстае мерапрыемства, якое пачнецца а 15-й гадзіне па маскоўскім часе, атрымалі запрашэнні дэпутаты Дзярждумы.
Адзначым, што нядаўна на акупаваных тэрыторыях прайшлі так званыя «рэферэндумы», што само па сабе з'яўляецца парушэннем міжнароднага права. Увесь свет не прызнаў вынікаў гэтага фарсу, паколькі значная частка мясцовых жыхароў выехала з акупаваных тэрыторый. Ды і ніякага празрыстага сумленнага галасавання не было. «Рэферэндумы» праходзілі ва ўмовах развязанай агрэсіі Расіі супраць Украіны, ахвярамі якой, паводле розных ацэнак, сталі ад дзясяткаў да соцень тысяч чалавек. Мільёны ўкраінцаў сталі бежанцамі і ўнутранымі перасяленцамі.
Анексія тэрыторый адбываецца на фоне абвешчанай мабілізацыі ў Расіі, а таксама пагроз расійскіх чыноўнікаў ядзернай зброяй.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары