Праца касцёла Святых Сымона і Алены (Чырвоны) часова прыпыненая. Такое рашэнне прынятае на пазачарговым пасяджэнні камісіі па надзвычайных сітуацыях пры адміністрацыі Маскоўскага раёна, пішуць «Мінск-навіны».
Нагадаем, што мінулай ноччу ў храме адбылося ўзгаранне. А чацвёртай гадзіне спрацавала пажарная сігналізацыя. Агонь пашкодзіў маёмасць на плошчы ў 20 кв. м., пацярпелых не было.
— Цяпер разглядаюцца і аналізуюцца ўсе абставіны інцыдэнту, — паведаміла кіраўніца адміністрацыі Маскоўскага раёна Таццяна Калядка. — У сувязі з гэтым камісіяй па надзвычайных сітуацыях прынятае рашэнне часова забараніць эксплуатацыю будынка.
Калядка дадала, што ў касцёле неабходна аднавіць працу сістэм пажаратушэння, а таксама электрычнага абсталявання і праводкі. Таксама трэба абследаваць канструкцыі будынка.
— Да ліквідацыі ўсіх недахопаў і вынясення заключэнняў кампетэнтнымі спецыялістамі ўсе мерапрыемствы ў Чырвоным касцёле будуць прыпыненыя, — рэзюмавала кіраўніца адміністрацыі Маскоўскага раёна.
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка10
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары