Вулканічная зіма на доўгія месяцы? Гэта можа нас чакаць
У 1815 годзе прайшло вывяржэнне вулкана Тамбара ў Інданезіі. Загінула 100 тысяч людзей, попел ад вывяржэння трапіў у атмасферу, і праз гэта сярэдняя тэмпература на планеце панізілася на градус. У тым годзе ў Паўночным паўшар’і не было ні лета, ні належнага ўраджаю, а цэны на зерне выраслі ў 10 разоў.
Як кажуць навукоўцы, аналагічная катастрофа з імавернасцю адна шостая можа здарыцца ў 21 стагоддзі, і мы да яе не падрыхтаваныя. Брытанскія даследчыкі апублікавалі артыкул на гэтую тэму ў часопісе Nature, дзе ўдакладнілі, што вывяржэнне паўплывала б на ланцугі паставак, на клімат і харчовыя рэсурсы ва ўсім свеце, піша The Times.
Даследчыкі лічаць, што на працягу 21 стагоддзя імавернасць катастрафічных вулканічных вывяржэнняў будзе ў сотні разоў большай, чым разам узятыя пагрозы таго, што на Зямлю ўпадуць камета ці астэроід. Уплыў гэтых падзей на зямны клімат будзе падобным, але ж падрыхтоўка да іх максімальна адрозніваецца.
НАСА вылучыла больш за 240 мільёнаў даляраў на праекты супрацьастэроіднай абароны, але ж дагэтуль не ўкладаюцца ніякія грошы ў праекты па прадухіленні вялікіх вулканічных вывяржэнняў ці хаця б па мінімізацыі іх наступстваў. Эксперты раяць у тым ліку развіваць прагназаванне вывяржэнняў і ў выпадку, калі чакаецца катастрофа, інфармаваць мясцовае насельніцтва пра тое, як яны могуць абараніць сябе.
Што да больш глабальных мер, то краіны маглі б дамовіцца наконт таго, як транспартаваць ежу і ўгнаенні ў выпадку раптоўнага зніжэння тэмпературы на планеце — падзеі, якая мела б катастрафічныя наступствы нават з улікам таго, што мы жывём падчас глабальнага пацяплення. Верагодна, што вывяржэнняў увогуле можна пазбегнуць: напрыклад, магло б дапамагчы бурэнне ажно да магмы, каб знізіць ціск у ёй.
У Ісландыі пачалося вывяржэнне вулкана Фаградальсф’ядль ФОТЫ
Паглядзіце, як апакаліптычна выглядае востраў Пальма пад слоем вулканічнага попелу ФОТЫ
На Сіцыліі прачнуўся вулкан Этна — струмені лавы падбіраюцца да горада
-
Расійская агентура выкарыстала нейрасетку Claude для крадзяжу і для ўплыву на выбары
-
Навукоўцы знайшлі шэсць загадкавых структур глыбока ў нетрах Зямлі
-
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
і гэтыя людзі збіраюцца на Марс...