Даклад аб расследаванні, праведзеным ICAO, апублікаваны на шасці мовах на сайце арганізацыі. Міжнародная арганізацыя грамадзянскай авіяцыі грунтуе свае высновы ў тым ліку на матэрыялах, атрыманых ад дыспетчара аэрапорта «Мінск». Ëн запісаў загады беларускага спецслужбіста на тэлефон і вывез іх за мяжу.
Рада ICAO прыходзіць да высновы, што інфармацыя пра пагрозу выбуху ў дачыненні да рэйса FR4978 Ryanair была загадзя ілжывай і пагражала яго бяспецы, і, акрамя таго, што гэтая інфармацыя была даведзеная да экіпажа па ўказанні высокапастаўленых службовых асоб урада Беларусі.
У апублікаванай справаздачы ёсць дзве расшыфроўкі запісаў. Адзін — дапоўнены запіс перамоваў з дыспетчарскай, дзе акрамя самога дыспетчара і яго начальніка, прысутнічае неназваная персона, якая падказвае рэплікі (пры гэтым некалькі разоў кансультуючыся яшчэ з кімсьці па тэлефоне). Менавіта гэтая персона кажа перадаць экіпажу пра тое, што паведамленне пра бомбу было разасланае ў некалькі аэрапортаў і што код пагрозы «чырвоны» (пры чырвоным кодзе камандзір паветранага судна павінен прызямліцца ў найбліжэйшым аэрапорце па ўказанні цэнтра кіравання паветранымі палётамі або нацыянальных уладаў). Запіс быў зроблены на тэлефон дыспетчара, які пасля ўцёк з Беларусі.
Другі запіс — з кабінета, дзе абмяркоўваецца ўнясенне карэкціровак у паказанні «для больш дэталёвай прывязкі да радыёабмену». З прысутных: намеснік дырэктара Белаэранавігацыі, дыспетчар і яго кіраўнік. Запіс зноў жа зроблены на тэлефон.
Падчас расследавання не было знойдзена ніякіх доказаў суправаджэння ці перахопу рэйса вайсковым самалётам.
Цяпер чытаюць
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія3
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары