Украінскія войскі пакінулі Лісічанск, апошні горад Луганскай вобласці
Інфармацыя пра захоп Лісічанска, а таксама відэа з горада з'явіліся ў расейскіх СМІ. «Хлусню аб акружэнні горада распаўсюджвае РФ, каб прымусіць украінцаў нервавацца, а расейцаў — радавацца», — каментуе дарадца міністра ўнутраных спраў Украіны Вадзім Дзенісенка.
Раней кіраўнік Чачні Рамзан Кадыраў у сябе ў тэлеграм-канале паведаміў аб акружэнні Лісічанска сіламі чачэнскіх падраздзяленняў і войскаў самаабвешчаных рэспублік. Пазней ён таксама напісаў пра тое, што вайскоўцы знаходзяцца ў самім горадзе.
Пасля прарасейскія СМІ і тэлеграм-каналы публікавалі відэа, на якім нібыта байцы самаабвешчанай ЛНР усталёўваюць чырвоны сцяг на адным з мемарыялаў у Лісічанску. ТАСС паведамляў са спасылкай на памочніка кіраўніка МУС самаабвешчанай ЛНР Віталя Кісялёва, што яго сілы знаходзяцца паблізу цэнтра Лісічанска, каля стадыёна «Шахцёр».
Украінскія крыніцы яшчэ днём у суботу 2 ліпеня паведамлялі, што горад па-ранейшаму знаходзіцца пад кантролем УСУ. Прадстаўнік Нацыянальнай гвардыі Украіны Руслан Музычук пераконваў: «Каля Лісічанска ідуць жорсткія баі, але горад пад кантролем УСУ».
Лісічанск — апошні буйны горад у Луганскай вобласці, які застаецца пад кантролем украінскай арміі. Напярэдадні кіраўнік Луганскай абласной адміністрацыі Сяргей Гайдай у сваім телеграм-канале распавядаў, што расейскія вайскоўцы «вядуць штурм нафтаперапрацоўчага завода, утрымліваюць паўночна-заходнюю і паўднёва-ўсходнюю часткі завода».
Цяпер чытаюць
Начальнік крымінальнага вышуку МУС бачыў прагулачны дворык СІЗА КДБ з акна свайго кабінета, а потым сам стаў вязнем3
Каментары