Уладзімір Гундар, якога прывялі на суд у трусах і прыкавалі да клеткі, трымае сухую галадоўку ў карцары
Фігурант «справы Аўтуховіча» Уладзімір Гундар трымае сухую галадоўку ў карцары. Яго судзілі ў адных трусах, прыкаваным да клеткі.
«Валодзя трымае сухую галадоўку. Я напісала яму ліст, дзе прасіла гэтага не рабіць, але ён перадаў усім падзяку за падтрымку, папрасіў прабачэння і пацвердзіў, што будзе галадаць», — паведаміла BPN яго жонка Алена Гундар.
Паводле яе слоў, на момант сустрэчы з адвакатам муж адчуваў сябе няблага, аднак сухая галадоўка вельмі небяспечная для яго: праз гіпертанію трэба рэгулярна прымаць лекі, што немагчыма без вады.
Гундар адзначыла, што ў карцар мужа накіравалі, паводле адных звестак, на 10 сутак, паводле іншых — да 11 ліпеня.
Уладзімір Гундар абвясціў галадоўку на знак пратэсту супраць адсутнасці з боку суда рэакцыі на яго патрабаванні і прымусовае распрананне перад працэсам.
Чытайце таксама:
Хворую на анкалогію пенсіянерку раздзявалі сілай. Новыя дэталі суда па справе Аўтуховіча
«Аленка, яны мяне забіваюць!» Палітвязня Гундара прывялі ў суд у адных трусах і прыкавалі да клеткі
«Мы выйдзем шчыльнымі радамі». Падрабязнасці таго, што адбываецца на працэсе Аўтуховіча, уражваюць і вымушаюць задумацца
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары