Максім Галкін: У такой колькасці страшных рэчаў вінаватая Расія, і пры гэтым кажа, што не вінаватая
Расійскі шоўмен Максім Галкін у сябе ў Інстаграме рэзка пракакаментаваў учорашні ракетны ўдар па Адэсе, у выніку якога загінула сям'я, у тым ліку трохмесячнае дзіця.
«Учора напярэдадні светлага свята Вялікадня, у дзень сыходжання Жыватворнага агню, ляцяць крылатыя расійскія ракеты ў жылы дом у Адэсе, гіне сям'я, гіне трохмесячнае дзіця. Як гэта ўсё б'ецца, як гэта растлумачце мне? Ну, пачнём з таго, што крылатыя ракеты не павінны прылятаць у жылыя дамы і ў буднія дні, а не толькі ў святы.
Але вы адначасова моліцеся з патрыярхам Іерусалімскім аб міры (вы, афіцыйныя асобы), вы прыязджаеце, везяце жыватворны агонь у Маскву — і пры гэтым гэтая ж улада пасылае гэтыя ракеты. Ці гэта зноў не мы? Я ўжо чуў тлумачэнне, што гэта, аказваецца, таму гэтыя «высокадакладныя» ракеты патрапілі ў жылы дом, што ўкраінская СПА збіла гэтыя ракеты. Гэта значыць, нібыта не павінна працаваць СПА, і тады ўсё будзе добра?
У такой колькасці страшных рэчаў вінаватая Расія — і пры гэтым кажа, што не вінаватая. Зверствы ў Бучы — гэта не мы, малайзійскі «Боінг» — гэта не мы. Марыупаль зраўнялі з зямлёй — гэта не мы. У Адэсу ляціць ракета — гэта мы, але не зусім мы. Усё не мы. А мы што там робім?
Глыбокія спачуванні ўсім родным загінулых і светлая памяць. Са святам Вялікадня».
Галкін асудзіў уварванне Расіі ва Украіну ў першы ж дзень, 24 лютага. Ён пакінуў Расію, з'ехаўшы ў Ізраіль.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў27
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары