Пра гэта на сённяшнім брыфінгу заявіла афіцыйны прадстаўнік Пагранічнай аховы Польшчы Ганна Міхальска, піша reform.by.
«Польшча ўжо аказала дапамогу 20 тысячам беларускіх апазіцыянераў, якія былі рэпрэсаваныя на тэрыторыі Беларусі», — сказала яна ў адказ на пытанне, колькі беларусаў звярталіся па міжнародную дапамогу.
Міхальска не ўдакладніла, аб якой менавіта дапамозе ідзе гаворка: выдача гуманітарных віз, прадастаўленне прытулку, пропуск праз мяжу.
У канцы верасня прэзідэнт Польшчы Анджэй Дуда заяўляў, што ў яго краіне каля 150 тысяч беларусаў атрымалі прытулак і працу. Паводле інфармацыі МЗС краіны, са жніўня 2020 года па жнівень 2021 года было выдадзена 12 тысяч гуманітарных віз.
Паводле звестак Еўрастата, за 2020 год першы від на жыхарства ў краінах ЕС атрымалі больш за 63,5 тысячы грамадзян Беларусі, у тым ліку 50,9 тыс. чалавек у Польшчы і каля 7,5 тысячы — у Літве.
Большасць мігрантаў хочуць прытулак у Германіі. А колькі беларусаў, што пацярпелі ад рэпрэсій, змаглі яго атрымаць?
Цяпер чытаюць
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары