МУС паведаміла пра затрыманне анархістаў «з міжнароднай злачыннай арганізацыі»
Затрыманыя брэсцкія анархісты з «міжнароднай злачыннай арганізацыі», паведамляе МУС.
На семярых удзельнікаў «Рэвалюцыйнага дзеяння» выйшлі супрацоўнікі ГУБАЗіК МУС падчас аператыўнай працы па крымінальнай справе, заведзенай па факце стварэння злачыннай арганізацыі і ўдзелу ў ёй. Маладыя людзі знаходзяцца ў ІЧУ.
Усе затрыманыя — жыхары Берасцейшчыны ва ўзросце ад 16 да 35 гадоў.
«Устаноўлена, што іх пратэсная дзейнасць фінансавалася з розных неафіцыйных арганізацый і фондаў», — сцвярджаюць сілавікі.
Следчыя прызналі анархістаў падазраванымі па крымінальнай справе. Сцвярджаецца, што больш за 15 анархістаў з берасцейскага і мінскага рэгіёнаў хаваюцца ва Украіне і Польшчы.
Каментары