Палітвязню Уладзіміру Цыгановічу выставілі новыя абвінавачванні
Цыгановіч (блогер MozgON) перадаў з СІЗА запіску, дзе расказаў, што яму выставілі абвінавачванні паводле арт. 13 ч. 2 арт. 293 КК РБ (Падрыхтоўка да ўдзелу ў масавых беспарадках), паведамляе spring96.org.
«Допытаў па сутнасці няма, хоць па справе працуюць каля 50 следчых», — адзначае ён у запісцы.
Цыгановіч зазначае, што яму незразумелыя гэтыя абвінавачванні, бо падчас «масавых беспарадкаў» (жнівень 2020 года) ён ужо знаходзіўся ў СІЗА-1, бо быў затрыманы 9 чэрвеня 2020 года і першапачаткова абвінавачваўся ў ч 2. арт 342 КК РБ (Навучанне ці іншая падрыхтоўка асоб для ўдзелу ў групавых дзеяннях, якія груба парушаюць грамадскі парадак), што следства звязвае са «справай Ціханоўскага». Але Цыгановіч адзначае, што да гэтай справы не мае ніякага дачынення.
Уладзімір Цыгановіч лічыць, што новыя абвінавачванні яму былі вылучаныя для таго, каб «не выпускаць» яго з СІЗА. Акрамя таго, ён упэўнены, што крымінальны пераслед — гэта помста за крытыку дзяржаўных органаў. Бо Цыгановіч таксама вядомы як блогер «MozgON», і на сваім youtube-канале ён размяшчаў рэпартажы, дзе крытыкаваў сацыяльна-эканамічныя праблемы ў Беларусі.
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары