Ціханоўская: Спартыўнае свята не можа праходзіць у краіне, дзе палітвязні сядзяць у карцарах
Святлана Ціханоўская пракаментавала візіт кіраўніка IIHF у Мінск для сустрэчы з Аляксандрам Лукашэнкам наконт правядзення чэмпіянату свету па хакеі.
«Візіт Рэнэ Фазэля ў Мінск паказаў непаслядоўнасць, якая можа нашкодзіць рэпутацыі самой IIHF.
Спартыўнае свята не можа праходзіць у краіне, дзе палітвязні сядзяць у карцарах за некалькі кіламетраў ад лядовых арэн. Швейцарац Фазэль мог бы абараняць грамадзянку Швейцарыі Наталлю Хершэ, якую «сумленны суд» прысудзіў да 2,5 года зняволення за зрыў балаклавы з амапаўца. Замест гэтага ён марудзіць з заявамі і ставіць пад сумнеў павагу да беларускага народа.
Я ведаю, што многія хакеісты, зборныя і федэрацыі краін не збіраюцца ехаць на чэмпіянат, які з'яўляецца шырмай для прававога дэфолту, катаванняў і забойстваў. Для іх, як і для нас, свабода, чалавечая годнасць і закон важнейшыя любых пастоў і ўзнагарод. Чэмпіянат павінен быць перанесены з Мінска. У адваротным выпадку я заклікаю ўсе нацыянальныя федэрацыі яго байкатаваць», — гаворыцца ў звароце палітыка.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»37
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары