Керсці Кальюлайд. Аўтар: Sergei Stepanov / ERR.
Прэзідэнт Эстоніі Керсці Кальюлайд папярэдзіла цяперашніх кіраўнікоў Беларусі, якія ўжываюць гвалт для падаўлення мірных пратэстаў, пра тое, што яны могуць быць прыцягнутыя да адказнасці ў Міжнародным крымінальным судзе.
«Вельмі важна, каб асобы, якія прымаюць рашэнні ў Мінску, разумелі, што Гаага насамрэч знаходзіцца не так ужо далёка», — заявіла Кальюлайд у панядзелак у інтэрв'ю ERR, сказаўшы, што вінаватыя ў гвалце супраць беларускай апазіцыі павінны быць як мага хутчэй пакараныя.
У Гаазе знаходзіцца Міжнародны крымінальны суд, які адказвае за прыцягненне да адказнасці вінаватых у генацыдзе, злачынствах супраць чалавечнасці і ваеннай агрэсіі.
Каментары