«Кандыдатаў пратэсту», якіх затрымалі ў Вярхоўным судзе, будуць судзіць
«Кандыдаты пратэсту» і іх паплечнікі, якіх затрымалі 19 мая ў будынку Вярхоўнага суда, правялі ноч у турме на Акрэсціна. Пра гэта Радыё Свабода паведаміла Марына Адамовіч, жонка палітыка Міколы Статкевіча. Ініцыятыўныя групы іх абаіх ЦВК адмовілася зарэгістраваць 19 мая.
У чым вінавацяць затрыманых актывістаў, якія якраз прыйшлі ў Вярхоўны суд, каб падаць скаргу на ЦВК за нерэгістрацыю, у праваахоўных органах пакуль не паведамляюць.
Падчас абскарджвання пастаноў Цэнтарвыбаркама аб нерэгістрацыі часткі ініцыятыўных груп у Вярхоўным судзе затрымалі 7 чалавек. Сярод іх «кандыдаты пратэсту» Анжаліка Жалезнякова, Тамара Патоцкая, Уладзімір Неўмяржыцкі, актывісты Сяргей Спарыш, Арцём Бабок, Юлія Лемехава і Дзмітры Місюк. Быў затрыманы яшчэ адзін «забракаваны кандыдат», Валянцін Фралоў, але пазней яго адпусцілі.
Сілавікі ў цывільным заходзілі ў судовыя залы, дзе ішлі пасяджэнні, і выводзілі людзей да аўтобуса. Супрацоўнікі міліцыі ў форме, якія там знаходзіліся, не ўмешваліся.
Затрыманых даставілі ў РУУС Цэнтральнага раёна Мінска. Толькі жонцы Сяргея Спарыша пацвердзілі, што яе мужа перавезлі ў Цэнтр ізаляцыі правапарушальнікаў. Пазней, як удакладніла Марына Адамовіч, стала вядома, што там жа правялі ноч і астатнія.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары