«Kandydataŭ pratestu», jakich zatrymali ŭ Viarchoŭnym sudzie, buduć sudzić
«Kandydaty pratestu» i ich paplečniki, jakich zatrymali 19 maja ŭ budynku Viarchoŭnaha suda, praviali noč u turmie na Akreścina. Pra heta Radyjo Svaboda paviedamiła Maryna Adamovič, žonka palityka Mikoły Statkieviča. Inicyjatyŭnyja hrupy ich abaich CVK admoviłasia zarehistravać 19 maja.
U čym vinavaciać zatrymanych aktyvistaŭ, jakija jakraz pryjšli ŭ Viarchoŭny sud, kab padać skarhu na CVK za nierehistracyju, u pravaachoŭnych orhanach pakul nie paviedamlajuć.
Padčas abskardžvańnia pastanoŭ Centarvybarkama ab nierehistracyi častki inicyjatyŭnych hrup u Viarchoŭnym sudzie zatrymali 7 čałaviek. Siarod ich «kandydaty pratestu» Anžalika Žaleźniakova, Tamara Patockaja, Uładzimir Nieŭmiaržycki, aktyvisty Siarhiej Sparyš, Arciom Babok, Julija Lemiechava i Dźmitry Misiuk. Byŭ zatrymany jašče adzin «zabrakavany kandydat», Valancin Frałoŭ, ale paźniej jaho adpuścili.
Siłaviki ŭ cyvilnym zachodzili ŭ sudovyja zały, dzie išli pasiadžeńni, i vyvodzili ludziej da aŭtobusa. Supracoŭniki milicyi ŭ formie, jakija tam znachodzilisia, nie ŭmiešvalisia.
Zatrymanych dastavili ŭ RUUS Centralnaha rajona Minska. Tolki žoncy Siarhieja Sparyša paćvierdzili, što jaje muža pieravieźli ŭ Centr izalacyi pravaparušalnikaŭ. Paźniej, jak udakładniła Maryna Adamovič, stała viadoma, što tam ža praviali noč i astatnija.
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec135
Kamientary