Лэслі Найф: Трою лічылі выдумкай, але яе знайшлі. Шмат хто і Беларусь лічыць выдумкай
Фронтмен легендарнага беларускага метал-гурта Gods Tower Уладзіслаў Наважылаў (Lesly Knife) далучыўся да флэшмобу #Ночпаэтаў. Музыка прачытаў ўрывак з «Іліяды» Гамера, перакладзены на беларускую мову Браніславам Тарашкевічам.
«Трою лічылі выдумкай, але яе знайшлі. Шмат хто й Беларусь і беларускую мову лічыць выдумкай. Але мы ёсць, мы тут. І мы будзем тут», — напісаў Уладзіслаў Наважылаў.
Флэшмоб напярэдадні акцыі памяці «Ноч расстраляных паэтаў», якая пройдзе ў Курапатах 29 кастрычніка, абвясціў у сацсетках Зміцер Дашкевіч.
«Кожны можа паўдзельнічаць ва ўшанаваньні памяці нявінна забітых патрыётаў Беларусі, — напісаў ён у сваім фэйсбуку. — Прыходзьце ў Курапаты, запісвайце вершы рэпрэсаваных літаратараў і выкладайце ў сеткі пад хэштэгамі #Курапаты і #Ночпаэтаў,
ахвяруйце сродкі на мерапрыемства і абарону Курапатаў на платформе Моламола».
Ноч з 29 на 30 кастрычніка 1937 года — чорная ноч у гісторыі Беларусі. За адну ноч савецкія спецслужбы расстралялі больш за сто прадстаўнікоў беларускай інтэлігенцыі — літаратараў, навукоўцаў, дзяржаўных дзеячаў.
У 82-ю гадавіну Ночы расстраляных паэтаў адбудзецца ўшанаванне іх памяці ў Курапатах.
«Гэта ня акцыя і ня мітынг, — напісаў у фэйсбуку Зміцер Дашкевіч. — Фармат — сьціплы і годны: будуць гучаць адпаведныя месцу і даце спевы, творы рэпрэсаванай літаратуры, малітвы. Далучайцеся і запрашайце сяброў!»
-
«Я хачу развеяць міф, што я вельмі моцны чалавек, проста танк, бо многія ведаюць мяне з 2020-га». Размова з Галінай Казіміроўскай аб перамозе над цяжкім дыягназам
-
Грамадзяніна Чэхіі, які прыехаў да хворай маці ў Беларусь, асудзілі на шэсць гадоў
-
Унікальны тэлескоп вярнулі на верхнюю пляцоўку абсерваторыі Мінскага планетарыя
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары