3G-сетка velcom | A1 атрымала чацвёртую частату — гэта значыць, што ўсё будзе лётаць хутчэй
Базавыя станцыі velcom | A1 атрымалі дадатковую апорную радыёчастату ў дыяпазоне 2100 МГц. Гэта дазволіць правайдару значна палепшыць прапускную здольнасць сваёй 3G-сеткі і павялічыць яе ёмістасць больш чым на 30%.
velcom | A1 стаў першым беларускім правайдарам, які пачаў праводзіць падобную мадэрнізацыю сваёй сеткі. Больш за 650 базавых станцый Гомеля, Магілёва, Віцебска, Бабруйска, Навагрудка, Асіповічаў і Мінска абсталявалі чацвёртай апорнай радыёчастатой у дыяпазоне 2100 МГц.
На днях дадатковая радыёчастата з'явіцца на базавых станцыях у раённых гарадах Брэстчыны (Пінск, Лунінец), Гомельшчыны (Рэчыцы, Жлобін, Рагачоў, Светлагорск) і Міншчыны (Жодзіна, Барысаў, Слуцк, Салігорск, Маладзечна). Завершыцца маштабная мадэрнізацыя ўключэннем чацвёртай апорнай яшчэ на 600 базавых станцыях у Мінску і Мінскім раёне.
Запуск дадатковай апорнай радыёчастаты дазволіць павялічыць ёмістасць 3G-сеткі velcom | A1 больш чым на 30%. Гэта азначае, што паслугі высакахуткаснай перадачы дадзеных стануць яшчэ лепшымі, а абаненты velcom | A1 змогуць яшчэ больш камфортна карыстацца інтэрнэтам і мабільнай сувяззю нават у месцах генерацыі найбольшага аб'ёму інтэрнэт-трафіку.
«Мадэрнізацыя дазволіць кампаніі velcom | A1 гарантаваць неабходную якасць і хуткасць перадачы дадзеных па ўсёй краіне нават ва ўмовах падвышанай нагрузкі на сетку. Набліжаюцца II Еўрапейскія гульні і чаканы ў сувязі з гэтай падзеяй наплыў гасцей, заўзятараў і турыстаў стане выдатнай праверкай надзейнасці нашай 3G-сеткі і яе новых магчымасцяў», — адзначыў начальнік упраўлення планавання сеткі velcom | A1 Сяргей Барамыкін.
3G-сетка velcom | A1 складаецца больш чым з 3850 базавых станцый і забяспечвае надзейную сувязь больш чым на 97% тэрыторыі краіны. Кампанія надае вялікую ўвагу якасці сувязі. Для гэтага праводзіцца частотнае планаванне, пастаянны маніторынг якасці сеткі і своечасовая мадэрнізацыя. Усе працы выконваюць высокакваліфікаваныя спецыялісты velcom | A1, якія прайшлі стажыроўкі ў вядучых еўрапейскіх кампаніях.
-
Кажуць, Польшча дабілася найбольшага прагрэсу ў свеце па бяспецы для ЛГБТ-падарожнікаў. А дзе ў рэйтынгу Беларусь?
-
Растварыць і змыць у каналізацыю: у свеце набірае папулярнасць тэхналогія «воднай крэмацыі» памерлых
-
На Чыгірынскім вадасховішчы рыбакі замест рыбы дасталі з вады тое, чаго зусім не чакалі
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах1
Памерла палітзняволеная Алена Панкова. Паўгода назад яе асудзілі за ўдзел у пратэстах
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары