Беларусь зможа атрымаць першыя 800 млн даляраў ужо ў студзені. У пакеце антыкрызісных захадаў разам з крэдытам - дэвальвацыя рубля і абмежаванне зарплаты ў дзяржаўным сектары.
Беларусь зможа атрымаць першыя 800 млн даляраў ужо ў студзені. У пакеце антыкрызісных захадаў разам з крэдытам - дэвальвацыя рубля і абмежаванне зарплаты ў дзяржаўным сектары.
Міжнародны валютны фонд 31 снежня аб’явіў пра дамоўленасць на ўзроўні персаналу аб крэдыце «стэнд‑бай» у 2,5 млрд. даляраў для Беларусі.
«Місія супрацоўнікаў МВФ і афіцыйныя ўлады Беларусі дасягнулі пагаднення, якое падлягае прыняццю кіраўніцтвам МВФ і Выканаўчай радай, па эканамічнай праграме, што падтрымліваецца 15‑месячнай дамоўленасцю аб крэдыце «стэнд‑бай» на суму прыкладна 2,5 млрд. даляраў.
Плануецца, што абмеркаванне праграмы Выканаўчай радай адбудзецца ў студзені 2009 года. Беларусь зможа атрымаць прыкладна 800 млн даляраў неадкладна пасля ўхвалы праграмы Выканаўчай радай», — гаворыцца ў заяве дырэктара‑распарадчыка МВФ Дамініка Строс‑Кана.
Ён зазначыў, што «Беларусь апынулася ў складанай эканамічнай сітуацыі».«На працягу некалькіх гадоў назіраўся ўражальны эканамічны рост, але ў апошні час з’явіліся прыкметы перагрэву эканомікі. Глабальны эканамічны крызіс таксама значна закрануў эканоміку Беларусі. Адмоўныя змены ўмоваў гандлю, зніжэнне попыту з боку асноўных гандлёвых партнёраў і ўскладнены доступ да гандлёвага і іншага знешняга фінансавання прывялі да памяншэння міжнародных рэзерваў у краіне», — сказаў Д.Строс‑Кан.
Паводле яго словаў, беларускія афіцыйныя органы цяпер робяць сур’ёзныя захады па спыненні падзення рэзерваў, па аднаўленні эканамічнай стабільнасці і падрыхтоўцы глебы для аднаўлення эканамічнага росту.«Эканамічная праграма, якая падтрымліваецца фондам, будзе садзейнічаць правядзенню ўпарадкаванай адаптацыі эканомікі Беларусі да вонкавых шокаў, з якімі яна сутыкаецца цяпер, і дасць абарону для яе найбольш уразлівых месцаў», — падкрэсліў дырэктар‑распарадчык МВФ.
Паводле інфармацыі фонду, узгодненыя меры ўключаюць больш моцную грашова‑крэдытную палітыку і сістэму палітыкі абменнага курсу, абмежаванне падаткова‑бюджэтнай палітыкі шляхам скарачэння дзяржаўных інвестыцый і мэтавага крэдытавання банкамі, строгае абмежаванне заработнай платы ў дзяржаўным сектары.
«Такія моцныя меры эканамічнай палітыкі, што прымаюцца ўладамі, служаць асновай для выключнага ўзроўню доступу да рэсурсаў МВФ, эквівалентнага прыкладна 420% ад квоты Беларусі ў МВФ, і заслугоўваюць падтрымкі міжнароднай супольнасці», — заявіў Д.Строс‑Кан.
Перамовы аб выдзяленні Беларусі гэтага крэдыту вяліся экспертамі МВФ з прадстаўнікамі беларускіх уладаў на працягу апошніх двух месяцаў.
У 1995 годзе МВФ спыніў выдзяленне крэдытаў Беларусі з‑за неадпаведнасці эканамічнай палітыкі ўрада рэкамендацыям фонду.
У пачатку 2004 года ўрад і Нацбанк Беларусі заявілі пра адсутнасць неабходнасці ў прыцягненні крэдытных рэсурсаў МВФ. З таго часу супрацоўніцтва з фондам было сканцэнтраванае на атрыманні тэхнічнай дапамогі і кансультацый.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары