21 красавіка 2018 года запрашаем усіх на Дзень памяці паўстанцаў у Плябані (10 км ад Маладзечна), каб успомніць аб 155-гадавіне з таго дня, як у бітве каля вёсак Свечкі й Плябань, падчас раптоўнага ар’ергарднага бою з царскімі карнікамі-казакамі, па-геройску загінулі ўдзельнікі вызвольнага паўстання 1863—1864 гадоў.
Гэта кіраўнік паўстання на Маладзечненшчыне і Вілейшчыне Юльян Бакшанскі, ягоныя паплечнікі Рафал Малішэўскі, Людвік Ямант, Леапольд Банькоўскі ды 15-гадовы навучэнец Ігнацы Сулістроўскі.
Для ўшанавання памяці герояў плануецца ўрачыстая праграма з удзелам мясцовых жыхароў вёскі, гасцей з Мінска, Маладзечна, Краснага ды ваколіц.
Сярод іншага адбудзецца захапляльная гісторыка-літаратурная гульня «Канфедэратка-2018», якую правядзе вядучы Алесь Мазанік. Гульня ўключае пытанні па гісторыі і культуры Беларусі.
Каманды, па 4 чалавекі кожная, адказваюць на пытанні і змагаюцца за галоўныя прызы гульні — чатыры паўстанцкія шапкі.
Плануюцца паўстанцкія гульні на адкрытым паветры і паўстанцкі стол.
Музычны госць — Алесь Чумакоў.
ПРАГРАМА ДНЯ
10-00 Збор удзельнікаў на магіле паўстанцаў. Агульнае ўскладанне кветак на магілу паўстанцаў. Ганаровая варта паўстанцаў.
10-20 Вяртанне ў цэнтр. Паўстанцкія гульні для ўдзельнікаў на адкрытым паветры.
11-00 Кава-паўза. Падрыхтоўка да гульні.
11-30 Гульня * 1 Тур
11-45 Музычна-літаратурная паўза
11-55 Працяг гульні * 2 Тур
12-10 Музычна-літаратурная паўза
12-20 Працяг гульні * 3 Спецтур да Года малой радзімы *
12-40 Заканчэнне гульні. Падвядзенне вынікаў.
13-00 Урачыстае ўручэнне прызоў разам з паўстанцамі. Супольнае фатаграванне.
13-15 Агляд экспазіцыі Цэнтра народнай творчасці і азнаямленне з гісторыяй Плябані. Паўстанцкі стол і песні. Заканчэнне імпрэзы.
14-00 Ад’езд
Дзень памяці паўстанцаў у Плябані ўваходзіць у праграму «Фэсту экскурсаводаў — 2018».
Месца правядзення: Цэнтр традыцыйнай культуры і побыту Плябані, вёска Плябань, Маладзечанскі раён
Нашы суполкі ў сацсетках: «Фэйсбук», «Укантакце».
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары