21 krasavika 2018 hoda zaprašajem usich na Dzień pamiaci paŭstancaŭ u Plabani (10 km ad Maładziečna), kab uspomnić ab 155-hadavinie z taho dnia, jak u bitvie kala viosak Śviečki j Plabań, padčas raptoŭnaha arjerhardnaha boju z carskimi karnikami-kazakami, pa-hierojsku zahinuli ŭdzielniki vyzvolnaha paŭstańnia 1863—1864 hadoŭ.
Heta kiraŭnik paŭstańnia na Maładziečnienščynie i Vilejščynie Juljan Bakšanski, jahonyja paplečniki Rafał Mališeŭski, Ludvik Jamant, Leapold Bańkoŭski dy 15-hadovy navučeniec Ihnacy Sulistroŭski.
Dla ŭšanavańnia pamiaci hierojaŭ płanujecca ŭračystaja prahrama z udziełam miascovych žycharoŭ vioski, haściej ź Minska, Maładziečna, Krasnaha dy vakolic.
Siarod inšaha adbudziecca zachaplalnaja historyka-litaraturnaja hulnia «Kanfiederatka-2018», jakuju praviadzie viadučy Aleś Mazanik. Hulnia ŭklučaje pytańni pa historyi i kultury Biełarusi.
Kamandy, pa 4 čałavieki kožnaja, adkazvajuć na pytańni i zmahajucca za hałoŭnyja pryzy hulni — čatyry paŭstanckija šapki.
Płanujucca paŭstanckija hulni na adkrytym pavietry i paŭstancki stoł.
Muzyčny hość — Aleś Čumakoŭ.
PRAHRAMA DNIA
10-00 Zbor udzielnikaŭ na mahile paŭstancaŭ. Ahulnaje ŭskładańnie kvietak na mahiłu paŭstancaŭ. Hanarovaja varta paŭstancaŭ.
10-20 Viartańnie ŭ centr. Paŭstanckija hulni dla ŭdzielnikaŭ na adkrytym pavietry.
11-00 Kava-paŭza. Padrychtoŭka da hulni.
11-30 Hulnia * 1 Tur
11-45 Muzyčna-litaraturnaja paŭza
11-55 Praciah hulni * 2 Tur
12-10 Muzyčna-litaraturnaja paŭza
12-20 Praciah hulni * 3 Śpiectur da Hoda małoj radzimy *
12-40 Zakančeńnie hulni. Padviadzieńnie vynikaŭ.
13-00 Uračystaje ŭručeńnie pryzoŭ razam z paŭstancami. Supolnaje fatahravańnie.
13-15 Ahlad ekspazicyi Centra narodnaj tvorčaści i aznajamleńnie z historyjaj Plabani. Paŭstancki stoł i pieśni. Zakančeńnie imprezy.
14-00 Adjezd
Dzień pamiaci paŭstancaŭ u Plabani ŭvachodzić u prahramu «Festu ekskursavodaŭ — 2018».
Miesca praviadzieńnia: Centr tradycyjnaj kultury i pobytu Plabani, vioska Plabań, Maładziečanski rajon
Našy supołki ŭ sacsietkach: «Fejsbuk», «Ukantakcie».
Kamientary