Хто да гэтага часу не ў курсе, расказваем: «Наша Ніва» і Samsung Galaxy A8|A8+ ладзяць конкурс «Навучы бабулю рабіць сэлфі». Вы вучыце — мы раздаём тэлефоны [дакладней, дорым аўтару найцікавейшага фота і яго ўнуку ці ўнучцы].
Мы ўжо распавядалі пра першую пяцёрку ўдзельнікаў конкурснай гонкі. Да аднаго героя ўжо нават завіталі ў госці: Клара Андрэева падзялілася з намі, што сучасны мабільны тэлефон даў бы ёй магчымасць падтрымліваць сувязь з любімым унукам Сяргеем, які хутка з’едзе на год у Японію стажыравацца.
А вось яшчэ пяцёра герояў сэлфі — знаёмцеся
На фота — Галіна Рэзнікава з унучкай Ірынай, якую язык не паварочваецца назваць бабуляй: вось што значыць маладосць у душы! Жанчына жыве ў Маладзечне, працавала на радыёзаводзе «Спадарожнік», а цяпер захапляецца чытаннем кніжак і гатаваннем (фірмовай стравай бабулі ўнучка Іра называе пельмені).
А на гэтым сэлфі мы бачым адразу некалькі пакаленняў: 74-гадовую Любоў Кавалёву, яе ўнучку і праўнучку. У мінулым медсястра і супрацоўніца «Гомсельмаша», Любоў Канстанцінаўна абажае займацца сельскай гаспадаркай. Ганаровае званне героя працы абавязвае адпавядаць гэтаму статусу і на пенсіі.
З серыі забаўных сэлфі Ганны Грачышкінай і яе бабулі Любы мы смяяліся ўсёй рэдакцыяй. Спадарыня Ганна не толькі навучылася фатаграфавацца, але і засвоіла снэпчат з яго маскамі. Магілёўка Любоў Чубанава — сапраўдная рэкардсмэнка. У свае 90 год яна мае 10 унукаў і 24 праўнукі! Сакрэт яе бадзёрасці ў авакада і ранняй зарадцы.
Гісторыя лёсу гэтых двух людзей на фота цягне на серыял. Фёдар Барадзін і Ніна Сараговец аднойчы разышліся, але праз 50 год усё ж памірыліся, даравалі адно аднаму былыя крыўды і зрабілі сумеснае сэлфі.
А гэтую паненку, якая сфатаграфавала сябе з самымі блізкімі, зваць Вера Мікалаеўна Дзідзюля. Гэты род бярэ пачатак ад Рурыкаў. Спадарыня Вера нарадзілася на Смаленшчыне, але сёння пастаянна ўжывае ў гаворцы беларускія слоўцы.
* * *
Хутка мы распавядзём гісторыю аднаго з гэтых герояў ці гераінь (пішыце ў каментарах, пра каго вы б хацелі даведацца больш).
Паглядзець фотаздымкі ўсіх удзельнікаў лютага і сакавіка можна на спецыяльнай конкурснай старонцы.
А мы чакаем новых сэлфі ад вашых бабуль і дзядуль! Публікуйце іх у сацсетках з конкурснымі хэштэгамі #nn_A8belarus #SamsungBelarus, каб мы мелі магчымасць адшукаць вашы працы [толькі перш чым націснуць кнопку «апублікавана», зірніце правілы конкурсу].
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары