Грамадства1010

У цэнтры Берасця прайшла акцыя пратэсту супраць будаўніцтва акумулятарнага завода ФОТА

Больш за 100 жыхароў Берасця і раёна выйшлі 11 сакавіка на плошчу Леніна ў абласным цэнтры, каб абмеркаваць будаўніцтва акумулятарнага завода ў свабоднай эканамічнай зоне. Рэпартаж з акцыі апублікаваў TUT.BY.

Фото: Станислав Коршунов
Падчас акцыі збіралі подпісы за правядзенне санкцыянаванага мітынгу супраць будаўніцтва заводу АКБ.

Людзі збіраюцца на цэнтральнай плошчы Берасця ўжо трэцюю нядзелю запар. Як і раней, 11 сакавіка яны ня разгортвалі транспарантаў і ня агучвалі лозунгаў. Удзельнікі акцыі пратэсту стаялі групамі, размаўлялі і кармілі галубоў.

Актывіст АГП Аляксандр Кабанаў, які таксама прыйшоў у нядзелю, назваў гэтую сустрэчу «мірнай акцыяй пратэсту».

— Людзі выйшлі выказаць сваё стаўленне да будаўніцтва акумулятарнага завода. Сёння [прыйшло людзей] значна больш, чым у мінулы раз. Усе ўжо адзін аднаго пазнаюць, вітаюцца, — распавёў актывіст.

Фото: Станислав Коршунов
Аляксандр Кабанаў.

Пратэстоўцы агучылі планы сабрацца на чарговы мітынг і ў наступную нядзелю. У гутарцы з журналістамі Аляксандр Кабанаў выказаў надзею на тое, што праз тыдзень збярэцца яшчэ больш людзей. Па словах суразмоўцы, акцыі спыняцца, калі прыпыніцца будаўніцтва завода і пачнецца дыялог з актывістамі.

— Завод, можа, і павінен быць, але не тут, — перакананы Аляксандр Кабанаў.

Жыхарка Берасця Наталля прыходзіць на плошчу трэцюю нядзелю запар. У гутарцы з TUT.BY яна распавяла, што занепакоена будаўніцтвам акумулятарнага завода.

— Я ўпэўнена, што гэты завод не дадасць экалагічнасці, чысціні нашаму гораду. Напярэдадні 1000-годдзя Берасця гэта самы дрэнны падарунак, які маглі зрабіць нашаму гораду, — падзялілася эмоцыямі Наталля.

Фото: Станислав Коршунов

На пытанне, як доўга яна гатовая прыходзіць на плошчу ў знак пратэсту, Наталля адказала: «заўсёды».

— Да таго часу, пакуль не закрыюць гэты завод. Я лічу, што нічога заганнага мы не робім. Мы не парушаем грамадзкі парадак, лозунгаў не прамаўляем. Мы хочам, каб улады звярнулі ўвагу на нашу занепакоенасць, — патлумачыла сваю пазіцыю жанчына.

Фото: Станислав Коршунов

Напрыканцы сустрэчы актывісты ініцыявалі збор подпісаў пад зваротам да гарадзкіх уладаў з просьбай правесці ў горадзе санкцыянаваны мітынг, прысвечаны пытанню будаўніцтва завода.

А 13-й людзі сталі разыходзіцца. Абышлося без затрыманняў.

Раней праціўнікі будаўніцтва акумулятарнага завода выходзілі на плошчу 4 сакавіка і 25 лютага. 

Будаўніцтва акумулятарнага завода пачалося на прамысловай пляцоўцы «Аэрапорт» у свабоднай эканамічнай зоне «Брэст». Пытаннем будаўніцтва занепакоеныя жыхары Берасця, некалькіх бліжэйшых вёсак і садовых таварыстваў. Галоўнае, што хвалюе людзей, — гэта ацэнка ўздзеяння на навакольнае асяроддзе. Аднак праведзеная да пачатку будаўніцтва экспертыза паказала, што «негатыўнае ўздзеянне праектаванага аб'екта на атмасфернае паветра, паверхневыя і падземныя воды, нетры, глебу, жывёльны і раслінны свет, а таксама на чалавека нязначнае», а «ўвод праектаваных аб'ектаў у эксплуатацыю не прывядзе да парушэння прыродна-антрапагеннай раўнавагі». Праціўнікі будаўніцтва ставяць пад сумнеў гэтыя высновы.

22 лютага ініцыятыўная група падала ў Адміністрацыю прэзідэнта зварот з патрабаваннем прыпыніць будаўніцтва завода, пад якім падпісаліся больш за 36 тысяч чалавек.

Каментары10

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Усе навіны →
Усе навіны

Трамп вымушана спыняе рэйды супраць імігрантаў у сельскай гаспадарцы і гатэльным бізнэсе3

Навукоўцы знайшлі просты спосаб паспрыяць росту раслін — музыка, але не кожная20

Ryanair будзе штрафаваць пасажыраў, якія парушаюць парадак1

У Гомелі 7 гадоў таму пабудавалі прыбіральню ледзь не за мільён даляраў. Як у ёй цяпер?4

У Дубаі загарэўся 67-павярховы хмарачос3

Што можа чакаць тых, каго будуць судзіць па справе «Беларускага Гаюна»?

Лукашэнка парэкамендаваў беларусам не налягаць на бульбу13

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

больш чытаных навін
больш лайканых навін

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Галоўнае
Усе навіны →

Заўвага:

 

 

 

 

Закрыць Паведаміць