35 год таму пасля некалькіх год распрацоўкі танк Merkava I — першы танк ізраільскай вытворчасці — паступіў на ўзбраенне баявых частак Сіл абароны Ізраіля. З тых часоў машына некалькі разоў мадэрнізавалася і застаецца галоўнай сілай ізраільскіх наземных войскаў.
Першай вайной з удзелам Merkava стала вайна ў Ліване ў 1982 годзе, дзе ізраільскія танкі паказалі сваю перавагу над савецкімі Т-72, якія былі на ўзбраенні Сірыі, піша афіцыйны блог арміі Ізраіля.
Цяпер на ўзбраенні стаяць танкі Merkava IV, якія паступілі ў войскі ў 2004 годзе. Яны здольныя збіваць верталёты, маюць камп'ютарныя сістэмы тактычнага кіравання боем і падвышаную праходнасць, неглядзячы на 65 тон вагі.
Моцны рухавік дае магчымасць пры вялікім унутраным аб'еме, што падвышае зручнасць выкарыстання танку, добра абараніць бранёй танкістаў і механізмы. Галоўнымі рысамі Merkava сталі высокі ўзровень выжывальнасці, магчымасць хуткага рамонту.
Цяпер танк узброены 120-мм пушкай, 2 кулямётамі калібра 7,62 мм, 60-мм гранатамётам.
Рухавік танка ў адрозненне ад класічнай кампаноўкі знаходзіцца перад вежай, такім чынам танкісты дадаткова абароненыя ад абстрэлу з пярэдняй праекцыі. Гэта таксама дае экіпажу магчымасць пакідаць танк праз люк у карме, карыстаючыся машынай.
Гэта ж дае магчымасць браць на борт акрамя 4 танкістаў яшчэ 6 чалавек, напрыклад, параненых і медыкаў ці афіцэраў і связістаў. Такім чынам танк пераўтвараецца ва ўніверсальную баявую машыну, якая можа выконваць у залежнасці ад баявой сітуацыі ролі танку, БТР ці БМП.
На сучасныя танкі ўсталяваная сістэма актыўнай абароны Trophy (іншая назва — Meil Ruach), якая, выкарыстоўваючы радар, аўтаматычна выстрэльвае карцеччу насустрач супрацьтанкавым ракетам і знішчае іх.
У ліпені гэтага года сістэма Trophy, напрыклад, паспяхова перахапіла супрацьтанкавую ракету з СТРК «Карнет» расейскай вытворчасці ў Газе.
«Тут танк для экіпажа, а не экіпаж для танка», — адзначыў камандзір звязу 401 танкавай брыгады Ізраіля Джэф Бен Ары.
На базе машыны распрацаваная і выкарыстоўваецца цяжкая баявая машына пяхоты Namer, узровень браніравання якой адпавядае танкаваму.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка8
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары