Купалаўскі тэатр выклаў у продаж квіткі на сакавік.
Раней квіткі можна было набыць у трох касах тэатра (у падземным пераходзе ля ГУМа, на станцыі метро «Інстытут культуры», а таксама ў галоўнай касе на Энгельса, 7а, у якую пераўтварылі будынак былой прыбіральні). Усе яны аб’яднаныя ў агульную сістэму.
Цяпер Купалаўскі прапанаваў доўгачаканую навінку.
Квіткі на ўсе спектаклі можна забраніраваць у раздзелах «Квіткі тэатра» і «Квіткі горада» на афіцыйным сайце. А цягам двух дзён выкупіць іх у любой з трох кас.
Але патэнцыйных гледачоў чакаюць складанасці. Напрыклад, 22, 23 і 25 сакавіка адбудзецца новая прэм’ера – «Дон Жуан» Мальера ў перакладзе Хадановіча. Квіткі на два першыя паказы з’явіліся ў продажы 3 лютага, на трэці паказ – сёння.
Але тэатр адразу прапанаваў гледачам толькі невялікую частку квіткоў. Куды ж зніклі астатнія? Касіры Купалаўскага патлумачылі, што квіткі адразу не былі даступныя для продажу, а будуць распаўсюджвацца праз арганізацыі.
Такі метад быў распаўсюджаны ў Савецкім Саюзе. Але яго прымянялі толькі ў тых калектывах, якія сапраўды маюць праблемы з наведвальнасцю. А вось убачыць купалаўскія спектаклі, а таксама рэканструяваны будынак, жадаюць сотні, калі не тысячы беларусаў.
Таму можна з ўпэўненасцю спрагназаваць: трапіць у Купалаўскі ў бліжэйшы час стане праблемай.
Напрыклад, на першы прэм’ерны паказ «Дон Жуана» можна знайсці толькі два месцы ў партэры, а таксама бакавыя месцы на балконе і бельэтажы. Зрэшты, на тры сакавіцкія паказы «Пана Тадэвуша» квіткоў амаль не засталося.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары