VII Міжнародная выстава ўзбраення і ваеннай тэхнікі Milex-2014 пройдзе ў Мінску з 9 па 12 ліпеня 2014 года. Раней планавался, што яна адбудзецца 18—21 чэрвеня.
Як паведаміў прадстаўнік Дзяржаўнага ваенна-прамысловага каміітэта Беларусі па інфармацыі і сувязях з грамадскасцю Уладзімір Лаўранюк, перанос форуму быў неабходны, каб тэрміны яго правядзення не перасякаліся з тэрмінамі правядзення аналагічных мерапрыемстваў, якія праводзяцца ў іншых краінах.
Галоўныя мэты выставы — шырокі паказ прадукцыі беларускай абароннай прамысловасці, азнаямленне з новымі распрацоўкамі ў сферы высокіх тэхналогій, дэманстрацыя магчымасцяў прадпрыемстаў, якія займаюцца мадэрнізацыяй, рамонтам баявой тэхнікі і аказваюць розныя паслугі ў інтарэсах узброеных сіл.
Арганізатары Milex-2014 — Дзяржаўны ваенна-прамысловы камітэт, Міністэрства абароны, Нацыянальны выставачны цэнтр «БелЭкспа» Кіраўніцтва справамі прэзідэнта Беларусі. Генеральны спонсар — дзяржаўнае знешнегандлёвае ўнітарнае прадпрыемства «Белспецзнештэхніка».
Месца правядзення выставы — «Мінск-Арэна».
Цяпер чытаюць
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары